पोखरा। नेपाली समाज पितृसतात्मक समाज हो । यहाँ नारी सधैँ दमित छ । छोरी, श्रीमती, बुहारी, आमा लगायत विभिन्न भूमिका निर्वाह गर्नुपर्ने उनै नारीमाथि २१ औं शताब्दीमा समेत पुरुषको चिथोमिचो पाइन्छ । पुरुषको तुलनामा महिला समाजको मूलधारमा आउन नसक्नु शिक्षा र सचेतनाको कमी हो । एकल महिलाका दुख त कति छन् कति ।
‘बगान’ मार्फत निर्देशनमा डेब्यु गरेका सदाबहार हिरो सरोज खनालले फिल्ममा यी र यस्तै कथाबस्तु बुनेका छन् । आफ्नै स्क्रिप्ट रहेको ‘बगान’ हरेक घरघरको कथा हो भन्छन् उनी । करिब ४० वर्ष लामो समय नेपाली फिल्ममा योगदान दिएका उनी निर्देशकीय भूमिकामा आइसक्दा पनि आफूलाई कलाकारकै रुपमा चिनाउन चाहन्छन् । ‘मैले ३१ फिल्म खेलिसक्दा एकताका १९ फिल्मले सय दिन मनाएका थिए,’ पोखरामा आइतबार पत्रकार सम्मेलनमा उनले भने, ‘जीवन यसैमा बित्यो । आफ्नो लामो अनुभव भएकोले बगानलाई उत्कृष्ट बनाउने कोशिस गरेको छु । दर्शकले अवश्य रुचाइदिनु हुनेछ ।’ समाजमा अझै पनि कुरीति, कुसंस्कारले जरा गाडेर बसेको हुँदा त्यसलाई फिल्मको माध्यमबाट सकारात्मक सन्देश दिन खोजेको उनको भनाइ छ । केही फिल्मको उदाहरण दिँदै नेपाली फिल्म विगतको तुलनामा अचेल फरकधारमा बन्दै गएकोमा उनले खुसीसमेत व्यक्त गरे ।
अभिनेत्री करिष्मा मानन्धरले महिला शिक्षित हुनु जरुरी रहेको कुरा पोखरामा पनि दोहोर्याइन् । कक्षा ८ पढ्दापढ्दै बीचमै पढाइ रोकिएकोमा अन्ततः अघिल्लो वर्ष उच्च शिक्षाको ढोका उघारेकी थिइन् । फिल्मको मुख्य पात्र करिष्मा भन्छिन्, ‘मलाई लाग्छ, पुरुषभन्दा अझ महिला शिक्षित हुनु जरुरी छ । तब समाज परिवर्तन सम्भव छ ।’ फिल्ममा एकल महिलाको कथा छ । उनका अनुसार ‘बगान’ मा अर्गानिक कथा छ । त्यसैले आफूलाई निकै उत्साहित बनाएको उनले बताइन् ।
म्युजिक भिडियो खेल्दै आएकी टेलिभिजनकर्मी प्रमिला कार्कीको यो डेब्यु फिल्म हो । सरोज खनालसँग एउटा म्युजिक भिडियो खेल्ने क्रममा राम्रो फिल्म गरौं भन्ने योजनाबमोजिम ‘बगान’ मा जोडिएको उनले खुलाइन् । त्यसो त उनका श्रीमान् सुरेश वाग्लेले लगानीको भार बोकेका छन् । त्यसैले उनलाई फिल्ममा आउन सजिलो भएको अनुमान गर्न सकिन्छ । तर पश्चिम पाल्पाकी यी नवनायिका यो कुरा मान्न तयार छैनन् । ‘म अभिनय सिकेरै यो फिल्डमा आएकी हुँ । पोखराकै अनुप बराल सरले सिकाउनु भएको हो,’ उनले भनिन्, ‘धेरै वटा म्युजिक भिडियो गरें । टेलिभिजनकर्मी पनि हुँ । केही न केही सिकेरै आएकी हुँ । अझै सिक्न चाहन्छु । पहिलो फिल्म भएकोले माया गरिदिनुहुन सम्पूर्ण दर्शकलाई अनुरोध गर्दछु ।’
फिल्मको टिजर र गीतले कतिपय दर्शकलाई २९ असारको प्रतीक्षालाई व्यग्र बनाएको छ । निर्माता सुरेश वाग्लेले एउटा नेपाली फिल्ममा हुने औषत लगानी रहेको बताए पनि रकम खुलाउन चाहेनन् । उनले ठट्यौरी पारामा भने, ‘अझै पनि लगानी भइरहेको छ । हेरौं शुक्रबारसम्म कति हुन्छ ।’ त्यसो उनीसहित सरोज र करिष्मा आफैँको पनि यसमा लगानी छ ।
फिल्ममा आकाश श्रेष्ठ, प्रमिला कार्कीबाहेक अधिकांश पाका कलाकार छन् । लामो समय योगदान दिएका धेरै कलाकार यो फिल्ममा भएकै कारण आफू निर्देशक हुँ भन्ने पनि भुलेको अभिनेता एवं निर्देशक सरोज खनालले बताए । उनले सबैको टिम वर्कमा बनेको फिल्मलाई बर्खामासै पनि जबर्जस्त हल छिराएको बताए ।
गत कात्तिकमा रिलिज ‘उडी छुनु त आकाश’ गीतमा एकल महिलाको संवदेना र छटपटी देखाइएको थियो । जसमा करिष्मा आमा र प्रमिला छोरीको भूमिकामा छन् । फिल्ममा नीर शाह, बसुन्धरा भुषाल, मिथिला शर्मा लगायत कलाकारको अभिनय छ ।
प्रमोसनका लागि देशदौडाडमा रहेको फिल्म युनिट यसअघि नारायणगढ, बुटवल हुँदै पोखरा आएको हो । यहाँ चलचित्र पत्रकार संघ कास्कीको आयोजनामा भएको पत्रकार सम्मेलनमा अध्यक्ष प्रभु अधिकारी र सचिव सन्तोष बस्यालले पनि बोलेका थिए ।
Related News
सम्बन्धित समाचार
डा. कालु शर्मा सुवेदीको अनुसन्धानात्मक उपन्यास ‘खोजीमा’
हेमजा साहित्य प्रतिष्ठानमा चूडामणि खनालको स्मरण
अक्षरयात्राको २१० औं शृंखला खास्टेतालमा
छन्द बचाऊँ वाचनकला पुरस्कारबाट त्रिपाठी सम्मानित
सबीको अपरिभाषित आभा लोकार्पित
hero news full width
मुख्य समाचार
ट्राफिक सप्ताहको ब्यानरमा प्रदेशका मन्त्रीको शपथ !
फडिन्द्रले इन्कार गर्दा माओवादीले दिन सकेन मन्त्री
वैशाख २४, २०८१गण्डकीमा एमालेका सीता सुन्दास र बेदबहादुरले लिए मन्त्रीको शपथ
वैशाख २४, २०८१सीतालाई सामाजिक. बेदबहादुरलाई खानेपानी मन्त्रालयको जिम्मा
वैशाख २४, २०८१सीता सुन्दास र बेदबहादुरलाई मन्त्री बनाउँदै खगराज
वैशाख २४, २०८१मन्त्रीमण्डल विस्तार गर्दै मुख्यमन्त्री अधिकारी, आजै साढे ४ मा शपथ
वैशाख २४, २०८१