सहारा क्लब पोखरालाई वर्ष उत्कृष्ट क्लबको अवार्ड

आदर्श समाज सम्वाददाता
वैशाख २४, २०८१
sahara

पोखरा। नेपाल खेलकुद पत्रकार मञ्च गण्डकीले सहारा क्लब पोखरालाई वर्ष उत्कृष्ट क्लबबाट अवार्ड प्रदान गर्ने निर्णय गरेको छ । शुक्रबार पोखरामा हुने आठौं पोखरा स्पोर्टस् अवार्ड समारोहमा नगद ३५ हजारसहित अवार्ड प्रदान गरिने मञ्चले जनाएको छ ।
प्रतिभा छनोट समितिको सिफारिसलाई मञ्चले अनुमोदन गरेको अध्यक्ष दीननाथ बरालले बताए ।

फुटबलमार्फत सामाजिक सेवामा क्रियाशील सहारा क्लब पोखरा २०५५ सालमा स्थापना भएको हो । ‘आत्मा साक्षी राखी मन, वचन र कर्मले सामाजिक सेवामा सेवा गरौं’ मन्त्रका साथ स्थापित क्लबले हरेक वर्ष पोखरामा आहारारा पोखरा गोल्डकप फुटबल खेलाउँछ । यसको सञ्जाल देशविदेशमा पनि पुगेको छ । सहारा युके, सहारा हङकङ र सहारा अष्टे«लिया बिस्तार गरिसकेको क्लबले पोखरामा फुटबल एकेडेमी सञ्चालन गरेर बालकहरुलाई आवासीय सुविधासहित फुटबल सिकाउँदै आएको छ । २०६५ सालमा फिफाले सहारा एकेडेमीको डकुमेन्ट्री समेत बनाएको थियो । जुन डकुमेन्ट्री फिफा फुटबल अन्तर्गत विश्वको अग्र स्थानमा परेपछि बिबिसी, इएसपीएन, स्टार स्पोट्र्स, टेन स्पोट्र्सले समेत प्रसारण गरेका थिए । यसबाट समेत क्लबको चर्चा विश्वभर फैलिएको थियो ।

क्लबले २०५७ सालदेखि सहारा बाल प्राथमिक विद्यालयलाई प्रावि तहको एक शिक्षकको तलब दिँदै आएको छ । चेल्सीमा पिच अनर सेयर प्राप्त गर्ने सहारा पहिलो क्लब हो ।

२०७२ सालको विनासकारी भूकम्पमा क्लबले सहारा युके, सहारा हङकङ, अरुण फाउन्डेसन समन्वयमा गोरखाको घैरुङस्थित गणेश प्राविमा आठकोठे भवन, सिन्धुपाल्चोक हैबुङस्थित हैबुङ महादेवस्थान माविमा पाँचकोठे भवन र कास्कीको सिदिङस्थित सरस्वती आधारभूत विद्यालयमा पुनःनिर्माणका लागि सहयोग समेत गरेको थियो । यसका अलावा थुप्रै सामाजिक कार्य र खेल गतिविधिका कारण क्लबले आफ्नो प्रतिष्ठान बढाएको छ । क्लबले गत वर्ष स्थापनाको रजत महोत्सव मनायो ।

Related News

सम्बन्धित समाचार

  • गण्डकीमा बजेटको सिद्धान्त र प्राथमिकता आज

    आदर्श समाज सम्वाददाता जेठ १७, २०८१
    पोखरा । गण्डकी प्रदेशमा नयाँ मुख्यमन्त्री नियुक्ति भएलगत्तै प्रदेश सभाको बैठक आज बस्ने भएको छ । प्रदेश सभा सचिवाललयले सूचना…
  • पोखरा मुग्लिन सडक विस्तार- पोखरा खण्डमा पिचको तयारी

    आदर्श समाज सम्वाददाता जेठ १७, २०८१
    पोखरा । निर्माणाधीन पोखरा मुग्लिन सडक विस्तार परियोजनाको पोखरा खण्डमा पिचको तयारी गरिएको छ । पछिल्लो समय तीव्रताका साथ काम…
  • ५२ दिनपछि पाण्डेको ‘कमब्याक’

    आदर्श समाज सम्वाददाता जेठ १७, २०८१
    पोखरा । नेपाली कांग्रेस गण्डकी प्रदेश संसदीय दलका नेता सुरेन्द्रराज पाण्डे ५२ दिनपछि गण्डकीको मुख्यमन्त्रीमा फर्किएका छन् । सर्वोच्च अदालतले…
  • प्रदेशका मन्त्रीले क्वाटरमै बुझे ५० लाख घुस !

    आदर्श समाज सम्वाददाता जेठ १६, २०८१
    गण्डकी प्रदेशका एक मन्त्रीले पदमा बहाल रहेकै बेला निवासमै बोलाएर बहुवर्षे योजनाका लागि ५० लाख रुपैयाँ बुझेको, बाँकी १० लाख…
  • रविचन्द्रलाई अन्नपूर्ण पर्यटन पुरस्कार

    आदर्श समाज सम्वाददाता जेठ १६, २०८१
    पोखरा । अन्नपूर्ण सेन्चुरी पर्यटन समितिद्वारा सञ्चालित यस वर्षको अन्नपूर्ण पर्यटन पत्रकारिता पुरस्कार–२०८१ रविचन्द्र पराजुलीलाई प्रदान गरिने भएको छ ।…

hero news full width

trending post

ट्रेन्डिङ्ग