पोखरा । त्रिभुवन अन्तर्राष्ट्रिय विमानस्थल काठमाडौंमा बुधबार सौर्य एयरलाइन्सको जहाज दुर्घटना भएको छ ।

सि चेक गर्नका लागि काठमाडौंबाट पोखरा ल्याउनेक्रममा सिआरजे २०० जहाज बिहान करिब ११ बजे दुर्घटना भएको हो । जहाजमा एक्कासि आगो लागेपछि अग्निनियन्त्रक र सुरक्षाकर्मीले आगो निभाउने प्रयास गरेका थिए ।

जहाजमा रहेका क्याप्टेन ३७ वर्षीय मनीष शाक्यलाई उद्धार गरेर अस्पतालमा लगिएको छ ।

सौर्य एयरलाइन्सका अध्यक्ष दीपक पोखरेलका अनुसार क्यानसँग अनुमति लिएर जहाज पोखरा लैजान लागेको र जहाज उड्नेबित्तिकै तल झरेको हो ।

दुर्घटनाबारे थप जानकारी आउन बाँकी छ ।