पाल्पा । बगनासकाली गाउँपालिकाले गाउँगाउँमा बृहत् स्वास्थ्य शिविर चलाएको छ । गाउँपालिकाले ज्येष्ठ नागरिक, असहाय र उपचारको लागि घरदेखि टाढा जानुपर्ने बाध्यता भएका मानिसलाई लक्षित गरी निशुल्क स्वास्थ्य शिविर चलाएको हो ।
गाउँपालिकाको स्वास्थ्य शाखाले आयोजना गरेको शिविरमा परिवार नियोजन, लुम्बिनी मेडिकल कलेज, मिसन अस्पताल लगायतका स्वास्थ्य संस्थाका विशेषज्ञसहितको गाउँपालिकाको विभिन्न स्वास्थ्य संस्थामा कार्यरत स्वास्थ्यकर्मी खटिएका छन् ।
शुक्रबार वडा ३ लक्षित गरेर नायर स्वास्थ्य चौकीमा वृहत स्वास्थ्य शिविर सञ्चालन भएको छ । स्वास्थ्य शाखा प्रमुख मणिराम अधिकारीका अनुसार शिविरमा महिला सम्बन्धी प्रसुती रोग सम्बन्धी परीक्षण, उपचार तथा परामर्श सेवा, नसर्ने तथा दीर्घ रोग सम्बन्धी जनरल फिसिजसियन सेवा दिएको थियो । योसँगै ज्येष्ठ नागरिक, गर्भवती महिला, बालबालिका लगायतले गाउँमै पुगेको शिविरबाट सेवा लिएका छन् । शिविरमा प्रजनन् स्वास्थ्य, रुग्णता सेवा, पाठेघर खस्ने समस्या भोगिरहेका महिलालाई स्क्रिनिङ, रिंग पेशरी, भीआइए सेवा उपलब्ध गराइएको थियो ।
शिविरमा संघीय सांसद ठाकुर गैरेले उच्च तहबाट नागरिकको स्वास्थ्यको सेवाका लागि संघ, प्रदेशबाट पहल आवश्यक रहेको औंल्याए ।
गाउँपालिकाका अध्यक्ष सरस्वती दर्लामी चिदीले गाउँपालिकाबासीलाई सरल, सुलभ र प्रभावकारी स्वास्थ्य सेवा प्रदान गर्न प्रतिवद्ध रहेको बताए ।
गाउँपालिकाका प्रवक्ता टिकाबहादुर थापाले बगनासकाली गाउँपालिकामा १५ शैयाको अस्पताल निर्माण कार्य चलिरहेको बताउँदै निकट भविष्यमै गाउँपालिकाले विशेषज्ञ चिकित्सकसहितको स्वास्थ्य सेवा प्रदान गर्ने बताए । उनले हाल गाउँपालिकाभित्र रहेका ९ वटा स्वास्थ्य चौकी र २ वटा स्वास्थ्य सेवा इकाइमा थप स्वास्थ्य उपकरण व्यवस्थापन गर्ने बताए ।
बगनासकाली गाउँपालिकाको आयोजना र नेपाल परिवार नियोजन संघ पाल्पा लगायत युनाइटेड मिसन अस्पताल, लुम्बिनी मेडिकल कलेज, पाल्पा अस्पताल लगायतमा कार्यरत डाक्टर तथा अनुभवी स्वास्थ्यकर्मीको प्राविधिक सहयोगमा चलेको शिविरमा हालसम्म २ हजार बढी नागरिकले लिएका छन् । शुक्राबरदेखि सुरु शिविर आइतबार वडा २ पोखराथोकमा पुगेर समापन हुने गाउँपालिकाको स्वास्थ्य शाखाले जनायो ।
Related News
सम्बन्धित समाचार
काम चलाउ सरकारद्वारा दोस्रो आवधिक योजनाको आधारपत्र परिमार्जन, पाण्डे सरकारले तय गरेको सोच समेत फेरियो
जिभिपी युके लन्डनलाई भलिबल उपाधि
एचआइभी संक्रमणले पढाइबाट वञ्चित
हातपात अभियोगमा पक्राउ
तमु धिंको ४० औं स्थापना दिवसमा गण्डकीका मन्त्रीहरुको सम्मान
hero news full width
मुख्य समाचार
उषा र प्रकाश पोखरा साइकल दौड च्याम्पियन
पोखरा सिँगार्न दिनहुँ श्रमदानमा खटिन्छन् सीताराम
जेठ ५, २०८१मुग्लिन–पोखरा सडक पूर्वी खण्डको म्याद थपियो
जेठ ४, २०८१फेवाको मापदण्ड घटाउन सर्वोच्चमा रिट
जेठ ४, २०८१सहकारीका विकृति राजनीतिकर्मीका लागि चुनौती : मुख्यमन्त्री अधिकारी
जेठ ४, २०८१पर्वत र बागलुङका सिडिओ फेरिए
जेठ ४, २०८१