एचआइभी संक्रमणले पढाइबाट वञ्चित

नवराज पहाडी
जेठ ५, २०८१
HIV As 2

लमजुङ । मध्यनेपाल ५, दुईपिप्लेको भैरवकाली मावि एलकेजीमा यसै वर्ष ५ वर्षीया बालिका श्रीदेवी (नाम परिवर्तन) भर्ना भइन् । तर स्कुल आउजाउ गरेको २ साता नबित्दै पढाइबाट वञ्चित भएकी छन् । त्यो कारण हो, एचआइभी संक्रमण ।
उनलाई गत ६ वैशाखमा विद्यालयले भर्ना लिएको थियो । तर एचआईभी संक्रमित भएको खुलासा भएपछि २२ वैशाखमा निस्कासन गरेको खुलेको छ ।

स्थानीय बाल विकास कक्षामा जाने श्रीदेवीलाई बाबुले भैरवकालीमा लगेर एलकेजीमा भर्ना गराएका थिए । उनका अनुसार भर्ना भएदेखि नै छोरी राम्रोसँग पढ्ने र विद्यालय जानेआउने गर्थिन् । ‘तर २ साता नबिन्दै एक्कासि एकदिन अन्य अभिभावकले बच्चालाई एचआइभी भा’छ भन्दै हल्ला गरेका छन् । हल्ला भएको भोलिपल्ट ४/५ विद्यार्थी गयलसमेत भए रे । विद्यार्थी कक्षामा फर्किनन् मानेनन् रे !’ ३१ वर्षीय बाबुले थपे, ‘त्यसपछि विद्यालयले बोलायो । तिम्रो छोरीका कारण विद्यार्थी शून्य हुने स्थिति भो, यसको क्षतिपूर्ति कस्ले व्यहोर्छ ? हाम्रोमा नपठाऊ भन्दै दबाब दिए । मैले छोरीलाई त्यो स्कुल पठाउन सकिनँ ।’

एचआइभी एड्सविरुद्ध काम गर्ने विभिन्न संघसंस्था र व्यक्तिलाई फोन गरी समस्या बताउँदा समेत खासै वास्ता नभएको उनको गुनासो छ । ‘हाम्रो गल्तीको सजाय निर्दोष छोरीले समेत पाउने भइन्,’ उनी गुनासो गर्दछ्, ‘दुईपिप्लेमा आफ्नै घर र कमोद गर्ने केही जग्गा भए तापनि बाहिर बस्न समस्या छ । छोरीको विद्यालय भर्नासँगै, ड्रेस, कापीकलम लगायतका सामग्रीमा पनि ऋण खोजेर खर्च गरें । अहिले विद्यालय नै छाड्नुपर्‍यो ।’

भैरवकाली मावि एलकेजीमा यसै वर्ष भर्ना भएकी ५ वर्षीया बालिका बाबुआमाका कारण संक्रमित भएको खुलेको हो

श्रीदेवीका बाबु र आमा दुवै संक्रमित हुन् । उनीहरूकै कारणले छोरी श्रीदेवीलाई पनि संक्रमण सरेको अनुमान छ । श्रीदेवीको ९ महिनाका भाइ पनि छन् । भाग्यवश उनलाई संक्रमणले छोइसकेको छैन ।

विद्यालय प्रअ हरिश्चन्द्र लम्सालका अनुसार ती बालिकालाई विद्यालयले निकालेको नभइ अभिभावकले आफ्नै हिसाबले अन्यत्र लगेको दाबी गरे ।

मध्यनेपाल नगरपालिकामा सम्पर्क गर्दा प्रमुख प्रशासकीय अधिकृत चण्डीका पौडेलले अप्रिय घटना सुन्नमा आएको बताए । ‘यो सामाजिक मनोभावसँग सम्बन्धित भएको हुँदा यसै भन्न सक्ने स्थिति बनिसकेको छैन,’ उनले भने, ‘म पनि भर्खरै हाजिर भएको हुँ । उहाँको परिवेशबारे सबै कुरा बुझ्न भ्याएको छैन । समस्या समाधानका लागि विद्यालय प्रशासन, जनप्रतिनिधि बसी छलफल गरेर अघि बढ्ने छौं ।’

मुलुकी अपराध संहिता, २०७४ मा एचआइभी सार्ने व्यक्तिलाई १० वर्षसम्म कैद र १ लाख रुपैयाँसम्म जरिवाना हुने व्यवस्था रहेको कानुन व्यवसायी बताउँछन् । तर, एचआइभी संक्रमितमाथि विभेद गर्नेलाई के कस्तो कारबाही हुने भन्ने कानुनमा उल्लेख नभएको उनीहरूको भनाइ छ ।

Related News

सम्बन्धित समाचार

  • डा. एलियामालाई गण्डकी नारी सम्मान

    आदर्श समाज सम्वाददाता असार ३, २०८१
    पोखरा । लायन्स क्लब अफ पोखरा गण्डकीले शिक्षा तथा समाजिक क्षेत्रमा उल्लेखनीय योगदान पु¥याएकी शिक्षाविद् डा.एलियामा जोनलाई ‘गण्डकी नारी सम्मान’…
  • पोखरा १२ का बासिन्दालाई मणिपाल हस्पिटलमा छुट

    आदर्श समाज सम्वाददाता असार ३, २०८१
    पोखरा । पोखरा महानगरपालिका १२ का बासिन्दाले पोखराको मणिपाल हस्पिटलमा उपचार गर्दा छुट पाउने भएका छन । वडा कार्यालय र…
  • गण्डकीको बजेट ३३ अर्ब

    प्रकाश ढकाल असार ३, २०८१
    पोखरा । गण्डकी सरकारले आगामी आर्थिक वर्ष २०८१/८२ का लागि करिब ३३ अर्बको बजेट सार्वजनिक गरेको छ । अर्थमन्त्री डा.…
  • एमाले अन्नपूर्णमा चूडामणि

    आदर्श समाज सम्वाददाता असार २, २०८१
    पोखरा । नेकपा (एमाले) अन्नपूर्ण गाउँपालिकाको दोस्रो अधिवेशनले चूडामणि अधिकारीको अध्यक्षतामा नयाँ कार्यसमिति चयन गरेको छ । अधिवेशनले एकदेव देवकोटालाई…
  • एनटिभिएको रक्तदान

    आदर्श समाज सम्वाददाता असार २, २०८१
    पोखरा । नेपाल पर्यटक यातायात व्यवसायी संघ (एनटिभिए) गण्डकी प्रदेश र लायन्स क्लब अफ पोखरा लेक भ्यालीद्वारा संयुक्तरुपमा आयोजित रक्तदान…

hero news full width