पोखरा । गण्डकी प्रदेशको २ जिल्लाका सिडिओ फेरिएका छन् । उपप्रधानमन्त्री एवं गृहमन्त्री रवी लामिछानेको मन्त्रिस्तरीय निर्णय अनुसार पर्वतमा नेत्रप्रसाद सुवेदी र बागलुङमा केदारनाथ शर्माले सिडिओको जिम्मेमबारी पाएका छन् ।

पर्वतका सिडिओ प्रेमप्रसाद आचार्यको प्रधानमन्त्री तथा मन्त्रिपरिषदको कार्यालयमा प्रशासन हेर्ने गरी सरुवा भएपछि पर्वत खाली थियो । आचार्य मात्रिका यादव मन्त्रीहरु निजी सचिव बसेका थिए । धादिङको सिडिओमा जाने उनको चाहाना भए पनि उनलाई प्रधानमन्त्री तथा मन्त्रिपरिषदको कार्यालयमा लगिएको हो ।

पर्वतमा पदस्थापन भएका सुवेदीका केही दिन अघि सूचना प्रविधि तथा सञ्चारबाट गृहमा सरुवा भएको हो ।

यसैगरी बागलुङका सिडिओ खगेन्द्रप्रसाद रिजाललाई बाँके सरुवा गर्दै उनको ठाउँमा केदारनाथ शर्मालाई पठाइएको छ ।

उपसचिवबाट बढुवा भएपछि २ महिनादेखि गृहमा रहेका स्याङ्जाका शर्मा राजश्वका क्याडर हुन् । बाँकेका सिडिओलाई गृहले फिर्ता बोलाएपछि त्यहि ठाउँमा बागलुङबाट रिजाललाई पठाएको हो ।