पोखरा । कास्की प्रहरीले मालपोत कार्यालय लेखनाथमा एक जनालाई धाकधम्की दिई हात पातपात गरेको भन्दै भण्डारढिकका ३१ वर्षीय जीवन तामाङलाई पक्राउ गरेको छ । जिल्ला प्रहरी कार्यालय कास्कीबाट प्रहरी नायव उपरीक्षकको कमान्डमा खटिई गएको प्रहरी टोलीले उनलाई शनिबार पोखरा हल्लनचोकस्थिक एक रेष्टुरेन्टबाट पक्राउ गरेको हो । गत २८ वैशाखमा पोखरा २९, स्थित मालपोत कार्यालयमा उनले एक जनालाई डर धाकधम्की

दिई गालीगलौज गरेको र हातपात समेत गरी फरार भएका थिए । जाहेरी आधारमा पक्राउ गरेका उनलाई सार्वजनिक हित स्वास्थ्य, सुरक्षा सुविधा तथा नैतिकता विरुद्धको कसूर (अभद्र व्यवहार) सम्बन्धी मुद्दामा अनुसन्धान अगाडि बढाइएको कास्की प्रहरीले जनायो ।