हेमजा । अन्नपूर्ण गाउँपालिका वडा ३ को कार्यालय भवन शुक्रबार उद्घाटन गरिएको छ । भवन उद्घाटन गर्दै जिल्ला समन्वय समिति कास्की प्रमुख बैनबहादुर अधिकारी क्षत्रीले संघीय व्यवस्था कार्यान्वयनसँगै विकासका मूल फुटेको दाबी गरे । उनले अब विकासलाई समृद्घिसँग जोड्नुपर्ने बताए । उनले विकास निर्माण जनताको आयआर्जनसँग नजोडिएसम्म समृद्घि हासिल नहुने तर्क पनि गरे ।
विदेश तथा सहर पसेका युवालाई गाउँघरमा झिकाएर उनीहरुलाई प्राविधिक शिक्षा सिकाइ गाउँघरमा नै टिकाउने र उनीहरुको उत्पादनलाई सहर बजार पुर्याएर बिक्री गर्न सकेको खण्डमा मात्रै देशमा समृद्घि हासिल हुने उनको ठहर छ । उनले भौतिक विकास सँगसँगै मानविय विकासको महत्वमाथि चर्चा पनि गरे।
कास्कीका तत्कालीन जिविस सभापति पुण्यप्रसाद पौडेलले राजनीतिक परिवर्तनसँगै देश विकासले फ्ड्को मारेको जनाउँदै स्थानीय सरकारलाई अझै अधिकार सम्पन्न बनाउनुपर्नेमा जोड दिए । उनले ढिकुरपोखरीमा शीतभण्डार निर्माणको आवश्यकता औंल्याए ।
दुईतले पक्की भवन ६९ लाख १८ हजारमा निर्माण गरिएको हो
गाउँपालिका अध्यक्ष युवराज कुँवरले भवन निर्माण आफैमा महत्वपूर्ण भएपनि त्यसमार्फत प्रदान गरिने सेवासुविधाप्रधान हुने जनाए । राजनीति आफैंमा असजिलो भएको भन्दै अध्यक्ष कुँवरले विकासमा राजनीति नगर्न सुझाव पनि दिए ।
कार्यक्रममा गाउँपालिका उपाध्यक्ष सगुन गुरुङ, जिल्ला समन्वय अधिकारी नवराज बराल, वडा १ अध्यक्ष भरतजंग कुँवर, एमाले गाउँपालिका अध्यक्ष विवेक देवकोटा, कांग्रेस पालिका सभापति मनपति भण्डारी, माओवादी पालिका सचिव नवीन गिरी, एमाले ३ अध्यक्ष महेश्वर पौडेल, कांग्रेस ३ सभापति डिल्लीराम पौडेल, माओवादी अन्नपूर्ण ३ अध्यक्ष विष्णुप्रसाद पौडेल, पाउँदुर आवासीय विद्यालायका प्रधानाध्यापक वसन्ती देवकोटा, आमा समूह प्रतिनिधि लक्ष्मी दाहाल, दमदमे टोल विकास संस्थाका संयोजक देव गिरी, पत्थर मराउँचे काँडे ग्रामीण सडकका अध्यक्ष कृष्णप्रसाद अधिकारी लगायतले कार्यालय निर्माण र त्यस मार्फत प्रवाह गरिने सेवासुविधाको महत्वमाथि प्रकाश पारे ।
त्यस अवसरमा जग्गादाता कृष्ण गिरी, वडा सचिव मुक्तिराम भण्डारी, पूर्व घरभेटी हरिप्रसाद पौडेल, कार्यालय सहयोगी, कुल ११ वटा टोल विकास संस्थाका संयोजक, ज्येष्ठ नागरिक लगायतलाई दोसल्ला र सम्मानपत्रले सम्मान पनि गरियो ।
दुईतले पक्की भवन ६९ लाख १८ हजार ८ सय ४८ को लागतमा निर्माण सम्पन्न भएको हो । जसमा ६० प्रतिशत जिल्ला समन्वय समितिको सञ्चित कोषबाट र बाँकी ४० प्रतिशत गाउँपालिकाबाट व्यहोरिएको छ । २०७७ जेठबाट निर्माण सुरु भएकोमा गत असोज १२ मा सकिएको थियो ।
वडाध्यक्ष चन्द्रबहादुर गुरुङको अध्यक्षतामा भएको उक्त कार्यक्रममा सदस्य कमला केसीले स्वागत तथा वडा सचिव भण्डारीले संचालन गरे ।
Related News
सम्बन्धित समाचार
मुख्यमन्त्री अधिकारीले रोजे पुरानै मन्त्री
ट्राफिक सप्ताहको ब्यानरमा प्रदेशका मन्त्रीको शपथ !
फडिन्द्रले इन्कार गर्दा माओवादीले दिन सकेन मन्त्री
गण्डकीमा एमालेका सीता सुन्दास र बेदबहादुरले लिए मन्त्रीको शपथ
सीतालाई सामाजिक. बेदबहादुरलाई खानेपानी मन्त्रालयको जिम्मा
hero news full width
मुख्य समाचार
सीता सुन्दास र बेदबहादुरलाई मन्त्री बनाउँदै खगराज
मन्त्रीमण्डल विस्तार गर्दै मुख्यमन्त्री अधिकारी, आजै साढे ४ मा शपथ
वैशाख २४, २०८१संविधान मिचेर मुख्यमन्त्रीलाई बहुमत, कांग्रेस सर्वोच्च जाने
वैशाख २४, २०८१भलिबलमा अटल हिमाल
वैशाख २३, २०८१गण्डकीमा सभामुखले संविधान मिचेको कांग्रेसको आरोप
वैशाख २३, २०८१गण्डकीमा ३० सिटलाई बहुमत, मुख्यमन्त्रीमा खगराजको निरन्तरता, सभामुखलाई कांग्रेसले देखायो कालो झन्डा
वैशाख २३, २०८१