पोखरा । निर्वाचन क्षेत्र पूर्वाधार विकास कार्यक्रमअन्तर्गत कास्की क्षेत्र २ (क) को बजेट बाँडफाँड गरिएको छ । कुल २ करोडमध्ये विभिन्न आयोजनाअन्तर्गत सडक र कृषिलाई प्राथमिकतामा राखिएको छ ।
पोखरा महानगरपालिकाअन्तर्गत ५ वटा वडा समेटिएको सो निर्वाचन क्षेत्रमा प्रदेशतर्फमा प्रत्यक्षतर्फ कृष्ण थापा र समानुपातिकबाट प्रतिनिधित्व गर्ने उपसभामुख सिर्जना शर्मा रहेका छन् ।
सांसद थापाका अनुसार छनौट योजनामध्ये सबैभन्दा बढी बजेट सडक पूर्वाधारका लागि विभिन्न वडाका ९ योजनाका लागि ९० लाख छुट्याइएको छ ।
त्यस्तै कृषिमा प्राथमिकतामा राख्दै सुरौदीखोला सातसय फाँट सिँचाइ कुलो र शिवमन्दिरदेखि होटल फूलबारीसम्मको सडक निर्माणमा २५। २५ लाख रुपैयाँ छुट्याइएको छ ।
पोखरा–७, घारीपाटनमा बाटो निर्माण १५ लाख, वडा–१५ एसओएस बालग्राम बहुउद्देश्यीय भवन निर्माण १५ लाख, पोखरा–१७ ड्यामसाइडपार्क फेवाताल छेउ तारबार र फूटट्रयाक १३ लाख, नमुना बाल केन्द्र भवन बाराहीटोल १०, दामोदर कुनामार्ग १० लाख रुपैयाँ विनियोजन गरिएको छ ।
विभिन्न २५ वटा योजनामा विनियोजित रकममध्ये पोखरा २१, संगमचोक, महवारी जाने बाटो ढलानमा १० लाख, प्राथमिक स्वास्थ्य चौकीमा ५ लाख, आपत्कालीन तारजाली खरिदका लागि ५ लाख छुट्टाइएको छ ।
नेपाल कम्युनिष्ट पार्टी (नेकपा) कास्की अध्यक्ष समेत रहेका सांसद थापाले घोषित कार्यक्रम सफलताका लागि सम्बन्धित उपभोक्ता, जनप्रतिनिधि तथा सम्बद्ध सबैको साथ र सहयोग आवश्यक रहेको बताए । निर्वाचन क्षेत्रका सबै क्षेत्र वर्ग र समुदाय समेट्ने गरी योजना छनोट गरिएको दाबी गर्दै उनले ती योजना गुणस्तरीय एवम् तोकिएको समयमा सम्पन्न हुने विश्वास व्यक्त गरे।
कास्की जिल्ला समन्वय समिति प्रमुख बैनबहादुर क्षत्रीले छनोट योजना पुससम्म सम्झौता र बैशाखभित्र निर्माण सम्पन्न हुने गरी तीव्रता दिइनु पर्ने बताए ।
नेकपा कास्की सचिवालय सदस्य युवराज पौडेलको अध्यक्षतामा भएको कार्यक्रममा नेकपा पोखरा महानगरपालिका अध्यक्ष दीपक पौडेल, पोखरा–३३ का वडाध्यक्ष शिवप्रसाद आचार्य, कार्यपालिका सदस्य राधिका शाही योगी लगायतले जनअपेक्षा अनुरुप विकास निर्माणका योजना अघि बढाइनु पर्नेमा जोड दिए ।
कार्यक्रममा उपसभामुख सिर्जना शर्मा बिरामीका कारण उपस्थित थिइनन् ।
कास्की २ (क) अन्तर्गत पोखरा महानगरका वडा ३३,२१, १७, १५ र ७ पर्दछन् ।
Related News
सम्बन्धित समाचार
मुख्यमन्त्री अधिकारीले रोजे पुरानै मन्त्री
ट्राफिक सप्ताहको ब्यानरमा प्रदेशका मन्त्रीको शपथ !
फडिन्द्रले इन्कार गर्दा माओवादीले दिन सकेन मन्त्री
गण्डकीमा एमालेका सीता सुन्दास र बेदबहादुरले लिए मन्त्रीको शपथ
सीतालाई सामाजिक. बेदबहादुरलाई खानेपानी मन्त्रालयको जिम्मा
hero news full width
मुख्य समाचार
सीता सुन्दास र बेदबहादुरलाई मन्त्री बनाउँदै खगराज
मन्त्रीमण्डल विस्तार गर्दै मुख्यमन्त्री अधिकारी, आजै साढे ४ मा शपथ
वैशाख २४, २०८१संविधान मिचेर मुख्यमन्त्रीलाई बहुमत, कांग्रेस सर्वोच्च जाने
वैशाख २४, २०८१भलिबलमा अटल हिमाल
वैशाख २३, २०८१गण्डकीमा सभामुखले संविधान मिचेको कांग्रेसको आरोप
वैशाख २३, २०८१गण्डकीमा ३० सिटलाई बहुमत, मुख्यमन्त्रीमा खगराजको निरन्तरता, सभामुखलाई कांग्रेसले देखायो कालो झन्डा
वैशाख २३, २०८१