पोखरा । ग्राहकहरुमाझ लोकप्रिय विद्युतीय सवारी साधन ११ सिटर सिजी केवाइसी भ्यान, १४, १६ र १९ सिटर किङ्लोङ भ्यानको अधिकारिक बिक्रेता सिजी मोटर्सले ग्राहकहरुको सहजताका लागि पोखराको नयाँ बजारमा सोरुमको खोलेको छ ।

टिटी ग्लोबलको नामबाट सुरु गरिएको सोरुम सिजी मोटर्सको डिलरसिप मोडेलमा रहेको छ। शोरुमका साथै ग्राहकहरुको सुविधाका लागि सर्भिस स्टेसन पनि पोखराको नयाँबजारमा सन्चालनमा आएको कम्पनीद्वारा जारी विज्ञप्तिमा जनाइएको छ । शोरुम सञ्चालन आएसँगै गाडी खरिद गर्ने र यसप्रति चासो राख्नेहरु अत्यधिक रहेको कम्पनीको दाबी छ ।

शोरुमको अनावरण  यातायात व्यवस्था कार्यालय कास्कीका प्रमुख डिल्लीराम रिज्याल, सिजी मोटर्सका महाप्रबन्धक दिनेश पाण्डे, साथै टिटी ग्लोबलका सञ्चालक प्रमेश पराजुली, डिल्लीराज सुवदी (शिशिर) ले संयुक्तरुपमा गरेका छन् । साथै शुक्रबार साँझ एक विशेष कार्यक्रम समेत कम्पनीले गरेको छ । उक्त अवसरमा पोखरा महानगरका मेयर धनराज आचार्यले अबको समय विद्युतीय गाडीको नै रहेको भन्दै वातावरणीय सन्तुलन र विद्युतको खपतका लागि पनि यो जरुरी रहेको बताए ।

पोखरालाई सफा, सुन्दर र हराभरा बनाउन सवैपक्षको सहयोग आवश्यक रहेको भन्दै उनले पर्यटकीय राजधानीलाई पर्यटक मैत्री बनाउने अभियानमा साथ दिन आग्रह गरे । उक्त अवससरमा यातायात व्यवस्था कार्यालय कास्कीका प्रमुख डिल्लीराम रिज्याल, सिजी मोटर्सका महाप्रबन्धक दिनेश पाण्डे र सञ्चालकद्वयले विद्युतीय गाडीको प्रयोग र महत्वका बारेमा भनाइ राखेका थिए । कार्यक्रममा उच्चपदस्थ सरकारी अधिकारी, व्यवसायी, समाजसेवी, सञ्चारकर्मी लगायतको बाक्लो सहभागिता थियो ।

सिजी मोटर्सले पोखराका लागि टिटी ग्लोबललाई अधिकारिक डिलर्सिप दिँदै पोखरामा सरलरुपमा इभि गाडीहरुको बिक्री बितरण पनि सुरु गरेको छ । सिजी मोटर्सले बिक्री गर्ने नेटा भी हाल इभी पारखीहरुमाझ लोकप्रिय छ । मुख्यतया यसको मूल्य तथा यसले दिने सुविधाहरु तथा ३ सय ८० किमिको रेन्जले गर्दा नेटा भी ग्राहकहरुको पहिलो रोजाइका रुपमा स्थापित भएको छ ।

१७० मि मि को ग्रोउन्ड किलिरेनश भएको नेटा भि मा ८ बर्ष अथवा १ लाख ५० हजार किमीको वारेन्टी  छ। साथै नेपालको सर्वाधिक बिक्रीहुने हेभि भ्यान सिजी केवाइसी तथा किलोङ सहज र सुलभ किस्तामा पाउन सकिने कम्पनीले जनाएको छ । ३९ देखि ७८ लाख रुपैयाँसम्म पर्ने विभिन्न मोडेल र ब्रान्डका गाडीहरु टिटी ग्लोबलले ल्याएको छ ।

हाल नेपालभर १ सय २० भन्दा धेरै स्थान हरुमा चार्जिङ सेवा दिँदै आइरहेको र थप ५० ठाउँमा चार्जिङ सुबिधा उपलब्ध गराउने कम्पनीले जनाएको ‍छ ।