नवलपरासी । संघीय सरकारले कोरोना संक्रमितहरुलाई १४ दिन आइसोलेसनमा राखेर पुनः पीसीआर परीक्षण नगरी पठाउने निर्देशिका जारी गरेपनि गण्डकी प्रदेश सरकार सोको विपरीत छ । प्रदेश सरकारले आफैले खर्च गरेर संक्रमितको पुनः रिपोर्ट नेगेटिभ आएपछि मात्रै घर फर्काउने गरेको छ ।
सो नीति अवलम्बन गरेको प्रदेश सरकारतर्फबाट मुख्यमन्त्री पृथ्वीसुब्बा गुरुङ आफै कोरोनाविरुद्धको लडाइँ जितेकालाई बिदाइ गर्न पुगेका छन् ।
पूर्वी नवलपरासीको रजहरमा रहेका प्राकृतिक चिकित्सालयमा रहेका संक्रमितहरुमध्ये २३ जना शनिबार निको भएपछि उनीहरुलाई बिदाइ गर्न मुख्यमन्त्री गुरुङ सोही रात अस्पताल पुगेका हुन् ।
संक्रमितहरु निको भएर समुदायमा फर्कन पाउँदा उनीहरुको उत्साह युद्ध जितेभन्दा कम लिएन । उनीहरु नाँच्दै गाउँदै रमाउँदै घर फर्किएका थिए ।
संक्रमितहरु अधिकांश घरको आर्थिक अवस्था कमजोर भएपछि घरपरिवार पाल्ने सपना देखेर विदेश गएका थिए । फर्किदा उनीहरुले कोरोना भाइरस बोकेर नेपाल आए । कोही भारतबाट जन्मभूमि फर्किएका थिए भने कोही खाडी मुलुकबाट ।
रजहरको प्राकृतिक चिकित्सालयमा अहिलेसम्म ३ सय १५ जना संक्रमितहरुको उपचार गरिएकोमा २ सय ९४ जना निको भएर फर्किएका छन् । आइतबार थप ३ जनाको पिसिआर रिपोर्ट नेगेटिभ आएपछि बिदाइ गरिएको छ । अब जम्मा २१ जनामात्र संक्रमितहरु उपचाररत रहेका छन् ।
यहाँ उपचार गरिएकोमध्ये कतिपय ७ दिनमा निको भएर फर्किका छन् भने कतिपय ४०/४५ दिनसम्म पनि उपचार गरेर भए पनि निको भएर मात्र फर्किएका हुन् ।
शनिबार घर फर्किनेहरुमा ४ वर्षका बच्चादेखि लाउँ–लाउँ र खाउँ–खाउँको उमेरमा अर्काको देशमा पसिना बगाएर फर्कनेहरु पनि थिए । संक्रमितहरु निको भएर समुदायमा फर्कन पाउँदा कतिपय यतिसम्म खुसी थिए कि बिदाइ कार्यक्रममा सहभागी मुख्यमन्त्री र उपचाररत डाक्टरलाई भगवान्सरह मानेर खुट्टा ढोग गर्नसम्म पछि परेनन्।
कार्यक्रममा कोरोना भाइरसविरुद्धको लडाइँ जितेकाहरुलाई बिदाइ र उपचारमा संलग्न स्वास्थ्यकर्मीहरुलाई सम्मान गर्दै मुख्यमन्त्री गुरुङले कोरोना भाइरस विरुद्धको लडाइँमा नेपालले चिताएकोजस्तो सफलता प्राप्त गरेको दाबी गरे ।
प्राकृतिक चिकित्सालयमा संक्रमितहरुलाई प्राकृतिक पद्दतिबाट अर्थात् नेपालमा एकमात्र स्थानमा प्राकृतिक पद्दतिबाट उपचार गर्न गरिएको छ ।
५ वर्षीय बालकले जिते कोरोना
पूर्वी नवलपरासीमा ५ वर्षीय बालकले कोरोनाविरुद्धको लडाइँ जितेका छन् । उनको आइतबार पिसिआर रिपोर्ट नेगेटिभ आएको हो । गैँडाकोटका ती बालकसहित बौदीकाली गाउँपालिकाका १ जना पुरुष र मध्यविन्दु नगरपालिकाका १ जना पुरुषले आइतबार कोरोना भाइरसविरुद्धको लडाइँ जितेका हुन् । हालसम्म नवलपुरमा संक्रमितको संख्या ३ सय २७ पुगेको छ भने ३ सय ६ जना निको भएका छन् ।
गण्डकी प्रदेशमा सोमबार साँझसम्म कोरोना संक्रमितको संख्या १ हजार ५ सय ३५ पुगेको छ । निको हुने दर करिब ८८ प्रतिशत रहेको प्रदेश स्वास्थ्य निर्देशनालयले जनाएको छ । हालसम्म १ हजार ३ सय ४८ निको भएका हुन् ।
Related News
सम्बन्धित समाचार
मुख्यमन्त्री अधिकारीले रोजे पुरानै मन्त्री
ट्राफिक सप्ताहको ब्यानरमा प्रदेशका मन्त्रीको शपथ !
फडिन्द्रले इन्कार गर्दा माओवादीले दिन सकेन मन्त्री
गण्डकीमा एमालेका सीता सुन्दास र बेदबहादुरले लिए मन्त्रीको शपथ
सीतालाई सामाजिक. बेदबहादुरलाई खानेपानी मन्त्रालयको जिम्मा
hero news full width
मुख्य समाचार
सीता सुन्दास र बेदबहादुरलाई मन्त्री बनाउँदै खगराज
मन्त्रीमण्डल विस्तार गर्दै मुख्यमन्त्री अधिकारी, आजै साढे ४ मा शपथ
वैशाख २४, २०८१संविधान मिचेर मुख्यमन्त्रीलाई बहुमत, कांग्रेस सर्वोच्च जाने
वैशाख २४, २०८१भलिबलमा अटल हिमाल
वैशाख २३, २०८१गण्डकीमा सभामुखले संविधान मिचेको कांग्रेसको आरोप
वैशाख २३, २०८१गण्डकीमा ३० सिटलाई बहुमत, मुख्यमन्त्रीमा खगराजको निरन्तरता, सभामुखलाई कांग्रेसले देखायो कालो झन्डा
वैशाख २३, २०८१