पोखरा । लोकगायक धनबहादुर गायकको ६० औं जन्मजयन्तीको अवसरमा स्मृति प्रतिष्ठान एवं मौलिक बाजा संरक्षण पाठशाला गठनबारे छलफल भएको छ ।
गायक परिवारले सोमबार कार्यक्रम आयोजना गरी धनबहादुर गायक स्मृति प्रतिष्ठान एवं मौलिक बाजा संरक्षण पाठशाला गठनबारे छलफल गरेको हो । छलफलमा गण्डकी प्रदेश सभाका सदस्य कृष्ण थापाले स्व. धनबहादुर गायक गज्जबको रमाइलो व्यक्ति भएको बताए । गन्धर्व समुदायलाई स्थापित गर्ने विषयमा स्व. गायकको सहयोग अतुलनीय रहेको थापाको भनाइ छ । स्मृति प्रतिष्ठान बनाउन आफूले सकेको सहयोग गर्ने प्रतिबद्धता जनाए ।
हिमाली सांस्कृतिक परिवारका अध्यक्ष मेनकाजी गुरुङले व्यक्ति मरेर गए पनि सिर्जना कहिल्यै नमर्ने बताए । सिर्जना नमर्ने गरी सधैं ताजा बनाउन प्रतिष्ठानले सहयोग पुर्याउने भएकाले छिटोभन्दा छिटो प्रतिष्ठान गठन गरेर अघि बढ्नुपर्ने बताए । त्यतिबेला सञ्चारको काम गर्ने गन्धर्व समुदायलाई अब सञ्चारले सहयोग गर्नुपर्ने धारण राखे । जनसांस्कृतिक महासंघका केन्द्रीय सदस्य मनकुमार श्रेष्ठले देशको सिंगो संगीत जोगाएको बाटुलेचौरमा स्व. गायकको नाममा प्रतिष्ठान आवश्यक रहेको सुनाए । प्रतिष्ठान बनेपछि छात्रवृत्ति दिएरै सारंगी सिकाउने भन्ने शब्दमा मात्र होइन, व्यावहारमै लागु हुने उनले बताए ।
लोक दोहोरी गीत प्रतिष्ठान गण्डकी प्रदेशका अध्यक्ष सुरेन्द्र गुरुङले गीत संगीत राष्ट्रको गहना भए पनि सर्जकको पीडा सरकारले नबुझेको गुनासो गरे । ‘हामी राष्ट्रको गहना होइनौं, सहयोगी हौं,’ उनले भने, ‘सहयोगी बन्दै राज्यको हरेक सुख दुखमा सहकार्य गर्न तयार छौं ।’ स्व. गायकको नाममा बन्ने प्रतिष्ठानका लागि लोक दोहोरी प्रतिष्ठानबाट आर्थिक, नैतिक र भौतिक सहयोग गर्न तयार रहेको उनले बताए ।
Related News
सम्बन्धित समाचार
स्मृति ग्रन्थमा सर्जक बुद्धि परियार
गजलकार एवं गीतकार प्रकट पगेनी गम्भीर बिरामी
पत्रकार पौडेलको ‘दिलमा रोप्यौ तिर’ सार्वजनिक
पाइन खबर साँझमा हरिदेवीका गीत
बहिष्कार चेतावनीपछि एलिनाको आत्मालोचना
hero news full width
मुख्य समाचार
ट्राफिक सप्ताहको ब्यानरमा प्रदेशका मन्त्रीको शपथ !
फडिन्द्रले इन्कार गर्दा माओवादीले दिन सकेन मन्त्री
वैशाख २४, २०८१गण्डकीमा एमालेका सीता सुन्दास र बेदबहादुरले लिए मन्त्रीको शपथ
वैशाख २४, २०८१सीतालाई सामाजिक. बेदबहादुरलाई खानेपानी मन्त्रालयको जिम्मा
वैशाख २४, २०८१सीता सुन्दास र बेदबहादुरलाई मन्त्री बनाउँदै खगराज
वैशाख २४, २०८१मन्त्रीमण्डल विस्तार गर्दै मुख्यमन्त्री अधिकारी, आजै साढे ४ मा शपथ
वैशाख २४, २०८१