पोखरा । ‘घरको मालिक परदेशमा गएको,
धेरै भयो केही खबर नपाको
पाइन खबर,
घर फर्की आउनुहोस् मेरो हजुर ।
आजभन्दा करिब चार दशकअघि बजारमा आएको यो गीत नेपाली गीतसंगीतका एउटा कालजयी गीत हो । नेपाल संगीत तथा नाट्य प्रज्ञा प्रतिष्ठानकी प्राज्ञ उनै वरिष्ठ गायिका एवं साहित्यकार प्राज्ञ हरिदेवी कोइराला समर्पित ‘पाइन खबर साँझ–२०८०’ हुने भएको छ ।
इन्द्रेणी थिएटरले चैत १० मा गायिका हरिदेवी कोइरालासँगै अन्य कलाकार साथमा उक्त साँझको तयारी गरेको हो । ‘इन्द्रेणी थिएटर’ को पाँचौँ वार्षिकोत्सव अवसरमा पोखरा २२ पुम्दीभुम्दी, लुकुन्स्वाँरामा हुने कार्यक्रमको तयारी अन्तिम चरणमा पुगेको इन्द्रेणीका अध्यक्ष तथा कार्यक्रम संयोजक केदारनाथ पौडेलले बताए ।
उनका अनुसार कार्यक्रममा गायिका कोइरालाको समग्र कलायात्राको बारेमा जानकारी दिइनेछ । गायिका कोइरालाको गीत, कविता वाचन तथा प्रकाशित कृतिका बारेमा जानकारी गराइने उनले सुनाए । कार्यक्रममा पद्मराज ढकाल, संगीतकार नवराज बराल, गायक रामजी पौडेल, दिलीप गायक, महेन्द्रराज बराल, विष्णु बराल, श्रीधर कँडेल लगायत एक दर्जन राष्ट्रिय तथा अन्तर्राष्ट्रिय ख्यातिप्राप्त कलाकारले आफ्नो प्रस्तुति दिनेछन् ।
‘साँझमा हरिदेवी कोइरालासँगै धेरै कलाकारहरु हुनुहुनेछ । जसमा अन्य कलाकारले एउटा हरिदेवीको गीत गाउनुहुनेछ,’ उनले भने, ‘खुला आकाशमा हुने कार्यक्रममा सबै जना आउन सक्नुहुनेछ । साँझमा गायक अमृत गुरुङ पनि दर्शकका रुपमा आउनुहुने कुरा छ ।’
‘इन्द्रेणी थिएटर’ पोखरामा रहेर त्यहाँको रंगमञ्चमा क्रियाशिल युवाले स्थापना गरेको संस्था हो । थिएटरले स्थानीय, राष्ट्रिय तथा अन्तर्राष्ट्रियस्तरमा नाटक निर्माण, प्रदर्शन तथा कार्यशाला सञ्चालन, कार्यपत्र प्रस्तुति, खोज, अनुसन्धान, चित्रकला, कविता, गजललगायतको क्षेत्रमा काम गरिरहेको छ ।
Related News
सम्बन्धित समाचार
गजलकार एवं गीतकार प्रकट पगेनी गम्भीर बिरामी
पत्रकार पौडेलको ‘दिलमा रोप्यौ तिर’ सार्वजनिक
बहिष्कार चेतावनीपछि एलिनाको आत्मालोचना
बहिष्कार चेतावनीपछि एलिनाको आत्मालोचना
ठाडो भाकामा युवापुस्ताको हुटहुटी
hero news full width
मुख्य समाचार
त्रासैत्रासमा तंग्रिदै कागबेनी
मनिपालमा अत्याधुनिक एमआरआई मेसिन
वैशाख १३, २०८११३ वटा मुद्दा चलेका एक युवा पोखराबाट अटोमेटिक पेस्तोलसहित पक्राउ
वैशाख १३, २०८१कतारी अमिर स्वेदश फिर्ता : पोखरा–कतार उडान माग
वैशाख १३, २०८१कास्कीमा एसइई उत्तरपुस्तिका परीक्षण रोकियो
वैशाख १२, २०८१गण्डकीमा डायलाइसिसका लागि अब पालो कुर्न नपर्ने
वैशाख १२, २०८१