पोखरा । पोखरा सांगीतिक कलाकार संघको आयोजनामा पोखरामा भदौ दोस्रो साता इन्टर स्कुल ब्यान्ड कम्पिटिसनको तयारी थालिएको छ । आगामी भदौ १४ र १५ गते पोखरा सभागृहमा हुने प्रतियोगिताबारे शनिबार पोखरामा पत्रकार सम्मेलन गरेर जानकारी दिइएको हो ।
‘शिक्षासँगै संगीत’ भन्ने मूल नाराका साथ हुने प्रतियोगितामा कक्षा ८ देखि कक्षा १२ सम्मका विद्यार्थीले सहभागिता जनाउन पाउने पोखरा सांगीतिक कलाकार संघका अध्यक्ष तथा प्रतियोगिता संयोजक हर्कराज गुरुङ (भाइ)ले जानकारी दिए । पहिलो संस्करणमा इन्टरकलेज ब्यान्ड कम्पिटिसन गरेको संघले यसपटक प्रतियोगितालाई परिमार्जन गर्दै इन्टर स्कुल ब्यान्ड कम्पिटिसन गर्न लागेको उनले प्रष्ट्याए ।
स्कुल र कलेजका विद्यार्थीबीच प्रतिस्र्धा गराउँदा लेभल मिलेन, उनले भने,‘त्यसैले यस पटकदेखि विद्यालय स्तरीय प्रतियोगिता गर्ने निर्णय गर्यौं ।’ ग्रास रुटबाटै कला र संगीतका प्रतिभा खोज्ने र उनीहरूको प्रतिभा निखार्ने उद्देश्यले प्रतियोगिता आयोजना गर्न लागिएको उनको भनाइ छ ।
प्रतियोगितामा सहभागिताका लागि स्कुल लेभलका ब्यान्डहरूले फारम भर्नुपर्ने संघले जनाएको छ । फारम भरेकाहरूले भिडियोमार्फत् डिजिटल अडिसन दिनुपर्ने र सो प्रस्तुतिका आधारमा छनोट गरिने संघका अध्यक्ष गुरुङले जानकारी दिए । त्यसपछि फिजिकल अडिसन दिनुपर्ने र सो राउन्डमा स्कुल ब्यान्डहरूले गण्डकी प्रदेशका सर्जकहरूको गीत प्रस्तुत गर्नुपर्ने प्रावधान राखिएको छ । त्यसमा छनोट भई फाइनलमा पुगेकाहरूले एउटा आफ्नो मौलिक र अर्को गण्डकी प्रदेशका सर्जकहरूको गरेर २ वटा गीत प्रस्तुत गर्नुपर्ने प्रावधान राखिएको अध्यक्ष गुरुङले बताए । सोही प्रस्तुतिका आधारमा विजेता, उपविजेतालगायत घोषणा गरिने उनको भनाइ छ ।
प्रतियोगिताको उपाधि विजेतालाई नगद १ लाखसहित प्रमाणपत्र, उपविजेतालाई नगद ५० हजार र तेस्रो हुनेलाई नगद २५ हजारसहित प्रमाणपत्र प्रदान गरिने जनाइएको छ । त्यस्तै, प्रतियोगितामा उत्कृष्ट भोकल, लिड गिटार, बेस गिटा, उत्कृष्ट ड्रमर, पब्लिक च्वाइस र जज च्वाइसलाई पनि नगद ५/५ हजारसहित प्रमाणपत्र प्रदान गरिने सचिव श्रेष्ठले जानकारी दिए ।
Related News
सम्बन्धित समाचार
कास्की आदर्श समाज कतारले पहिलोपल्ट पोखरामा मनायो तीज
आदर्श समाज (सामाजिक संस्था) को ‘१२ औं खुला तीज गीत प्रतियोगिता’
इन्टरस्कुल व्याण्ड फाइनललाई १० छानिए
व्याण्ड कम्पिटिसनमा १९ स्कुल प्रतिस्पर्धी
लोकसांस्कृतिक संरक्षण समितिमा जगन्नाथ
hero news full width
मुख्य समाचार
रविलाई फेरि अदालत उपस्थित गराइँदै
को होला मिस पोखरा ?
कार्तिक ७, २०८१जेठोबुढो जोगाउँदै पोखरा महानगर
कार्तिक ७, २०८१नेसपाले नाम फेर्ने, महाधिवेशन माघमा
कार्तिक ७, २०८१विदेश छोडेर कागती खेती
कार्तिक ७, २०८१नेपाल समाजवादी पार्टीको महाधिवेशन आगामी माघमा काठमाडौंमा हुने
कार्तिक ६, २०८१