पोखरा । लागुपदार्थ सहित कास्की प्रहरीले सोमबार २ जनालाई पक्राउ गरेको छ । हेमजामा लागुऔषधको कारोबार भइरहेको भन्ने सूचना आधारमा वडा प्रहरी कार्यालय बगरबाट खटिएको प्रहरी टोलीले ग२५प ६५८८ नं. को स्कुटर चेकजाँच गर्नेक्रममा उनीहरुलाई पक्राउ गरेको हो । पक्राउ पर्नेमा म्याग्दीको बेनी ५ का ३० वर्षीय बलबहादुर विश्वकर्मा र म्याग्दीकै धौलागिरी ४ बस्ने ३५ वर्षीया नरकुमारी घर्ती हुन् ।

नरकुमारीले टोपीमा लुकाएको अवस्थामा कुल ९३ एम्बुल लागुपदार्थ बरामद गरिएको हो । पक्राउ पर्नेहरुलाई कास्की जिल्ला अदालतबाट ७ दिनको म्याद थप गरी अनुसन्धान कार्य अघि बढाइएको कास्की प्रहीले जनायो ।