पोखरा । गण्डकी प्रदेश सामाजिक विकास मन्त्री नरदेवी पुनले सरकारले प्रयास धेरै गरे पनि प्रतिफल प्राप्त हुन नसकेको बताइन् । सरकार आयात प्रतिस्थापनमा नियमित लागे पनि त्यसमा उल्लेख्य प्रगति हासिल हुन नसकेको उनको तर्क छ । ‘जति हुनुपर्ने थियो त्यो पुगेको छैन । तर केही नगरेको होइन । सरकारले केही पनि गरेको छैन भन्दा कहिलेकाहीँ मन्त्रिको पद पनि छोडूँ छोडूँ जस्तो लाग्छ,’ उनले भनिन्, ‘पार्टी, संगठन, संस्था चलाएजस्तो होइन । सरकार चलाउन धेरै कुरालाई विचार गर्नुपर्छ । आफूले टेक्ने ठाउँमा उचित छ कि छैन विचार गर्नुपर्छ । मेरो हस्ताक्षर राष्ट्र र जनताको पक्षमा छ कि छैन भनेर विचार गर्नुपर्छ । तर बाहिर बसेर बोल्दाजस्तो सजिलो छैन ।’
उनले बेरोजगारी अन्त्य नगरेसम्म देशको गरिबी नघट्ने बताइन् । त्यसका लागि सरकारले जीवनोपयोगी तालिमहरु सञ्चालन गरिरहेको उनको भनाइ छ । ‘धेरैलाई तालिम दिएको छ । तर नितान्त गरिब नागरिकसम्म हाम्रो तालिम पुगेको छैन । त्यो पहिचान गर्ने जिम्मा स्थानीय तहको हो । तालिमलाई प्रतिफलमूलक बनाउन धेरै मेहिनत गरें, सकिरहेको छैन,’ उनी भन्छिन्, ‘हाम्रो हरेक ठाउँमा आयात प्रतिस्थापन गर्नु जरुरी छ । जनशक्तिको आयात पनि रोक्नुपर्छ । तालिम भनेपछि भत्ता कति पाइन्छ भनेर सोध्छन् । भनेजस्तो काम गर्न सकिएको छैन ।’
सडक बालबालिकामुक्त बनाउन उनीहरुका अभिभावकलाई रोजगारी, सबै बालबच्चालाई निःशुल्क र गुणस्तरीय शिक्षा आवश्यक भएको भन्दै उनले त्यसका लागि सरकार योजनाबद्ध काम गरिरहेको बताइन् । मन्त्री पुनले सबैलाई शिक्षाको पहुँचमा पु¥याउन आवासीय विद्यालयको अवधारणा अघि सारेको बताइन् । बालबालिकालाई सडकमा आउन रोक्ने र आएकालाई रचनात्मक काम मार्फत समाजमा पुनस्र्थापनामा गैरसरकारी संस्थाहरुले सहयोग गरिदिन उनको आग्रह छ ।
गण्डकी प्रदेशसभाका विधायन समिति सभापति मोहनप्रसाद रेग्मीले मनोरन्जनका नाममा हुने विकृति रोक्न सबैले सहयोग गर्नु आवश्यक हुने बताए । ‘पेसा गर्ने छुट सबैलाई छ । तर विकृति कसैलाई छुट हुँदैन,’ उनले भने, ‘मनोरञ्जनका क्षेत्रमा काम गर्नेहरुको पीडा छ । उनीहरुलाई उचित सम्बोधन हुनुपर्छ । तर मनोरञ्जनका नाममा विकृति छर्न मिल्दैन ।’ रेग्मीले नीति निर्माणमा कुनै कमजोरी भए सुझाव दिन आग्रह गरे ।
शक्ति समूहले मनोरञ्जनका क्षेत्रमा हुन सक्ने शोषण न्यूनीकरण तथा यसका व्यवस्थापनविषयक अन्तरक्रिया कार्यक्रम गरेको हो ।
कार्यक्रममा पोखरा महानगरका प्रवक्ता तथा वडा ५ का अध्यक्ष धनबहादुर नेपाली, वडा ६ का अध्यक्ष जगतबहादुर पहारी, सरकारी वकिल कार्यालयका रुद्रप्रसाद सुवेदी, पत्रकार महासंघ गण्डकीकी उपाध्यक्ष शान्ति गुरुङ लगायतले बोलेका थिए ।
शक्ति समूहका व्यवस्थापन समिति सदस्य दिलीप कोइरालाको अध्यक्षतामा भएको कार्यक्रमको सञ्चालन शक्ति समूह कास्कीकी परियोजना संयोजक सरिता पौडेलले गरेकी थिइन् । इन्सेकका शिव खकुरेलले सहजीकरण गरेका थिए ।
Related News
सम्बन्धित समाचार
ट्राफिक सप्ताहको ब्यानरमा प्रदेशका मन्त्रीको शपथ !
फडिन्द्रले इन्कार गर्दा माओवादीले दिन सकेन मन्त्री
गण्डकीमा एमालेका सीता सुन्दास र बेदबहादुरले लिए मन्त्रीको शपथ
सीतालाई सामाजिक. बेदबहादुरलाई खानेपानी मन्त्रालयको जिम्मा
सीता सुन्दास र बेदबहादुरलाई मन्त्री बनाउँदै खगराज
hero news full width
मुख्य समाचार
मन्त्रीमण्डल विस्तार गर्दै मुख्यमन्त्री अधिकारी, आजै साढे ४ मा शपथ
संविधान मिचेर मुख्यमन्त्रीलाई बहुमत, कांग्रेस सर्वोच्च जाने
वैशाख २४, २०८१भलिबलमा अटल हिमाल
वैशाख २३, २०८१गण्डकीमा सभामुखले संविधान मिचेको कांग्रेसको आरोप
वैशाख २३, २०८१गण्डकीमा ३० सिटलाई बहुमत, मुख्यमन्त्रीमा खगराजको निरन्तरता, सभामुखलाई कांग्रेसले देखायो कालो झन्डा
वैशाख २३, २०८१गण्डकी प्रदेश सभाको बैठक ३० मिनेटका लागि स्थगित
वैशाख २३, २०८१