पोखरा, ३१ वैशाख । बागलुङ गलकोटमा कार्यरत मजदुरमध्ये १४ जना पर्सामा कोरोना संक्रमित देखिएपछि उच्च सतर्कता अपनाइएको छ । सो घटनालाई लिएर बुधबार बसेको विपद् व्यवस्थापन समितिको बैठकले नाकामा कडाई गर्ने तथा कन्ट्याक्ट ट्रेसिङ तत्काल लिने निर्णय गरेको छ ।
पर्सा लगायत जिल्लाका मानिसहरु गलकोटमा मजदुरी गर्दै आएका थिए । उनीहरुले लामो समयको लकडाउनले आफूहरुलाई समस्या परेको भन्दै नगरपालिकासमक्ष बिन्ती बिसाएपछि नगरपालिकाले ११ वैशाखमा २ वटा गाडी बस्तोबस्त गरी उद्धार गरेको थियो । नवराज रेग्मी चालक रहेको बा ३ ख ९३०९ र ईश्वर क्षेत्री चालक रहेको बा ४ ख ५७९० नम्बरको २ वटा बसमा कुल ७९ जना मानिस चढेका थिए । जसमध्ये बा ३ ख ९३०९ नम्बरको गाडीमा ३९ जना र अर्कोमा ४० जना मानिस थिए । यद्यपि, कोरोना संक्रमित भेटिएका १४ जना बाँडिएर दुवै गाडीमा रहेको हुँदा को–कुन गाडीमा थिए भन्ने यकिन हुन सकेको छैन ।
विपत् व्यवस्थापन समितिको बैठकपछि नगरपालिकाका प्रमुख प्रशासकीय अधिकृत शिशिर पौडेलले टेलिफोनमा भने, ‘यहाँ कार्यरत मजदुर पर्सामा संक्रमित देखिएपछि उच्च सतर्कता अपनाउने, नाकामा कडाइ गर्ने र ती मजदुरको सम्पर्कमा आएकाहरुको तत्काल पहिचान गरिने भएको छ ।’ बागलुङ सदरमुकामदेखि गाडीमा २ घण्टा पश्चिममा पर्ने गलकोट जिल्लाको तेस्रो ठूलो व्यापारिक केन्द्र मानिन्छ। पौडेलका अनुसार ती मजदुरहरुमध्ये केही निर्माणाधीन हरिचौर स्वास्थ्य चौकीमा कार्यरत थिए । यस्तै केही फर्निचर उद्योग, ग्यारेज, सडक लगायतमा कार्यरत थिए भने कोही चना–चटपट बेच्थे । उनीहरु ११ वैशाख साँझ हटियाबाट गाडी चढेर पोखरा हुँदै पर्सातर्फ लागेका थिए । पर्साको छिपहरमाई नगरपालिकाका मात्रै २९ जना थिए । त्यसबाहेक रौतहट र बारा जिल्लाका पनि थिए ।
ती मजदुर बागलुङमै रहँदा संक्रमित थिए वा पर्सामा संक्रमित भए भन्नेबारेमा यकिन हुन सकेको छैन । बुधबारको बैठकमा सहभागीमध्ये अधिकांशले उनीहरु गलकोटमा रहँदा शारीरिक स्वास्थ्य अवस्था सामान्य रहेको हुँदा यहाँ संक्रमित हुने सम्भावना नरहेको बताएका थिए ।यसैबीच, बागलुङका प्रमुख जिल्ला अधिकारी गौलोचन सैँजूले बागलुङमा यसअघि पनि २ जनामा कोरोना संक्रमण देखिएपछि उच्च सतर्कता अपनाउँदै आइएकोमा पछिल्लो केसले ध्यानाकर्षण भएको जनाए।
बागलुङबाट पर्सा हिडेका उनीहरुलाई भने पोखरा आएपछि कास्की प्रशासनले रोकेको थियो । एक रात पोखरामै गाडीमा बिताएका उनीहरु बाटोमा अलपत्र परेपछि सम्बन्धित छिपहरमाई गाउँपालिका अध्यक्षसँग टेलिफोन कुराकानीमा क्वारेन्टाइन व्यवस्था भए पठाउने भनिएपछि कास्कीले अनुमति दिएको थियो । बागलुङबाट हिडेको तेस्रो दिन अर्थात १३ वैशाखमा मात्र उनीहरु पर्सा पुगेका थिए ।पर्साको छिपहरमाई गाउँपालिकाको क्वारेन्टाँइनमा बसेका ६२ मध्ये १४ जनामा मंगलबार कोरोना संक्रमण पुष्टि भएको थियो । क्वारेन्टाइनमा राख्ने बेला नै १ जनामा उच्च ज्वरो देखिएकोले सम्बन्धित गाउँपालिका अध्यक्षकै पहलमा विशेष निगरानीमा क्वारेन्टाइन राखिएको छ ।
Related News
सम्बन्धित समाचार
ट्राफिक सप्ताहको ब्यानरमा प्रदेशका मन्त्रीको शपथ !
फडिन्द्रले इन्कार गर्दा माओवादीले दिन सकेन मन्त्री
गण्डकीमा एमालेका सीता सुन्दास र बेदबहादुरले लिए मन्त्रीको शपथ
सीतालाई सामाजिक. बेदबहादुरलाई खानेपानी मन्त्रालयको जिम्मा
सीता सुन्दास र बेदबहादुरलाई मन्त्री बनाउँदै खगराज
hero news full width
मुख्य समाचार
मन्त्रीमण्डल विस्तार गर्दै मुख्यमन्त्री अधिकारी, आजै साढे ४ मा शपथ
संविधान मिचेर मुख्यमन्त्रीलाई बहुमत, कांग्रेस सर्वोच्च जाने
वैशाख २४, २०८१भलिबलमा अटल हिमाल
वैशाख २३, २०८१गण्डकीमा सभामुखले संविधान मिचेको कांग्रेसको आरोप
वैशाख २३, २०८१गण्डकीमा ३० सिटलाई बहुमत, मुख्यमन्त्रीमा खगराजको निरन्तरता, सभामुखलाई कांग्रेसले देखायो कालो झन्डा
वैशाख २३, २०८१गण्डकी प्रदेश सभाको बैठक ३० मिनेटका लागि स्थगित
वैशाख २३, २०८१