पोखरा । ‘गण्डकी प्रदेश प्रादेशिक ललितकला प्रदर्शनी–२०८०’ बुधबारदेखि सकिएको छ ।
नेपाल ललितकला प्रज्ञा–प्रतिष्ठान र गण्डकी प्रज्ञा प्रतिष्ठानको संयुक्त आयोजनामा पोखरा नयाँबजारस्थित पोखरा आर्ट ग्यालरीको प्रदर्शनी हलमा प्रदर्शनी भएको हो ।
सिर्जनशील कलाकार समूहसँगको सहकार्यमा भएको प्रदर्शनी समापनमा पोखरा महानगरपालिकाका प्रमुख धनराज आचार्यले पोखरा महानगरपालिका कला, भाषा, साहित्य, संस्कार र संस्कृतिको पक्षमा सकारात्मक रहेको बताए । यसका लागि जनता आफैं प्रस्ताव लिएर महानगर जानुपर्ने उनको भनाइ थियो । ‘मैले पदभार ग्रहण गरेको २० महिना भयो । अहिलेसम्म एक जना पनि प्रस्ताव लिएर आउनुभएको छैन,’ उनले भने, ‘प्रस्ताव लिएर आउनुस् मिलेर काम गरौं । मेरो आलोचना गर्न पनि नपाइने भन्ने होइन, गर्नुस् मलाई गतल गर्ने छुट छैन ।’
महानगरको स्थापना दिवसको अवसरमा २७ गते बिहान पृथ्वीचोकमा ‘कोसेलीघर’ शिलान्यास गरिने उनले सुनाए । ‘कोसेलीघर’ मा पुस्तकालय र आर्ट ग्यालरी राखिने उनले जनाए ।
नेपाल ललितकला प्रज्ञा प्रतिष्ठानको कूलपति नारदमणि हार्तम्छालीले प्रतिष्ठानको काम व्यवस्थित गर्ने र प्रभावकारी बनाउने हेतुले थुप्रै योजना अगाडि सारेको बताए । उनले आगामी दिनमा अझै राम्रो कार्यक्रम गर्दै जाने उनले सुनाए । ‘सामाजिक रुपान्तरण : ललितकलाको अभियान’ भन्ने नाराका साथ कार्यक्रम गरिएको उनले बताए ।
कार्यक्रममा संस्कृतिकर्मी तीर्थ श्रेष्ठले प्रदर्शनीले कलाको गुणस्तर वृद्धि भएको बताए । यसले जीवनसँग जोडिएका कलालाई समयको दस्तावेजका रुपमा राख्नसक्नुपर्नेमा उनको जोड थियो । महानगरपालिकाले मायाको चिनो र कोसेलीका रुपमा कलाकारको कला दिन उनले सुझाव दिए ।
प्रदर्शनीमा गण्डकीका ११ वटै जिल्लाका कलाकारका ७४ वटा कला प्रदर्शनमा राखिएको गण्डकी प्रज्ञा–प्रतिष्ठानका सदस्यसचिव मनकुमार श्रेष्ठले बताए । प्रदर्शनीमा सामेलमध्ये ३५ कलाकृति काठमाडौंमा हुने राष्ट्रिय ललितकला प्रदर्शनीमा लगिने उनले बताए ।
राष्ट्रिय ललितकला प्रदर्शनीमा सर्वोत्कृष्टलाई १ लाख र विधागत उत्कृष्ट बन्नेलाई ६० हजार रुपैयाँ पुरस्कार व्यवस्था छ । राष्ट्रिय ललितकला प्रदर्शनीमा सातै प्रदेशबाट छानिएका ललितकलाका बीचमा प्रतिस्पर्धा हुनेछ ।
Related News
सम्बन्धित समाचार
गण्डकी प्रज्ञा–प्रतिष्ठानले ७ जना श्रष्टालाई सम्मान गर्दै
डा. कालु शर्मा सुवेदीको अनुसन्धानात्मक उपन्यास ‘खोजीमा’
हेमजा साहित्य प्रतिष्ठानमा चूडामणि खनालको स्मरण
अक्षरयात्राको २१० औं शृंखला खास्टेतालमा
छन्द बचाऊँ वाचनकला पुरस्कारबाट त्रिपाठी सम्मानित
hero news full width
मुख्य समाचार
अर्जुन र सुस्मिता बने वर्ष खेलाडी
दीर्घकालीन असर गर्ने निर्णय नगर्न अधिकारी सरकारका नाममा अन्तरिम आदेश- हेर्नुहोस् आदेश
वैशाख २८, २०८१साना योजना सिधै प्रदेश र स्थानीय सरकारलाई हस्तान्तरणः प्रधानमन्त्री
वैशाख २८, २०८१मुस्ताङको लोमान्थाङमा वैकल्पिक सडक निर्माण
वैशाख २८, २०८१सूर्यदर्शन सहकारीको अनुसन्धान प्रतिवेदन बुझाइयो
वैशाख २७, २०८१पूर्वन्यायाधीशको निधनपछि गण्डकी सरकार विरुद्धको रिटसहित सर्वोच्चका सबै सुनुवाइ स्थगित
वैशाख २७, २०८१