पोखरा । नेपाली कांग्रेस मुस्ताङ जिल्ला कार्यसमितिका कोषाध्यक्ष गणेश शेरचन र क्षेत्रीय प्रतिनिधि दिनेश शेरचनलाई पितृशोक परेका छ ।

उनीहरुका पिता ८१ वर्षीय ओमप्रसाद शेरचनको बिहीबार दिउँसो पोखराको नागढुंगास्थित निवासमा निधन भएको हो । विकास निर्माण लगायत समाजसेवामा क्रियाशील ओमप्रसाद साविक जोमसोम गाविस वडा नम्बर ८ का पूर्व वडाध्यक्ष हुन् ।

उनको पार्थिव शरीरमा रामघाटमा बौद्ध परम्परा अनुसार पूजापाठ गरी शुक्रबार अन्तिम संस्कार गरिएको छ । प्रतिनिधि सभा सदस्य योगेश गौचन थकाली र गण्डकी प्रदेशसभा सदस्य विकल शेरचनले पार्टीको झण्डा ओढाएर श्रद्धाञ्जली अर्पण गरेका छन् ।