राष्ट्रिय माविको छात्र/छात्रा सडक दौडमा ४४ विद्यालय सहभागी

आदर्श समाज सम्वाददाता
वैशाख २८, २०८१
rastriya school running

पोखरा । हीरक महोत्सव अवसरमा राष्ट्रिय माविले शनिबार जिल्लास्तरीय ५ किमी छात्र/छात्रा सडक दौड प्रतियोगिता आयोजना गर्दैछ । शनिबार बिहान साढे ६ बजे सुरु हुने हुने दौडको तयारी पूरा भएको विद्यालय परिवारले जनाएको छ ।

प्रतियोगितामा कास्कीका ४४ विद्यालयका ६ सय १४ छात्र र २ सय ५४ छात्राहरु गरी ८ सय ६८ जना प्रतियोगीले भाग लिने पूर्व विद्यार्थी समेत रहेका नेपाल ओलम्पिक कमिटी उपाध्यक्ष एवं हीरक महोत्सव खेलकुद उपसमितिका संयोजक तेजबहादुर गुरुङले बताए । दौडमा कक्षा १० सम्म अध्ययनरत् विद्यार्थीले भाग लिन पाउने छन् ।

दौडमा छात्रछात्रा दुवैतर्फ प्रथमले ७ हजार, पदक र प्रमाणपत्र, द्वितीयले ५ हजार, पदक र प्रमाणपत्र र तृतीयले ३ हजार साथमा पदक र प्रमाणपत्र प्राप्त गर्नेछन् ।

सिम्पानीस्थित विद्यालयबाट सुरु हुने दौड विन्ध्वासिनी मन्दिर, बागलुङ बसपार्क, भीमसेनचोक, कोपिलढुंगा चोक, ज्ञानभूमि स्कुल, बाल मन्दिर, पिएन क्याम्पस, भीमकालीपाटन, पोखरा वडा १ कार्यालय, सिम्पानीचोक हुँदै विद्यालयमा पुगेर टुंगिनेछ ।

हीरक महोत्सव अन्तर्गत आगामी असोजमा विद्यालयस्तरीय छात्र/छात्रा छेलो (ठेलो) र जिल्लास्तरीय छात्र/छात्रा भलिबल प्रतियोगिता समेत गर्ने कार्यतालिका छ ।

गत २००६ मंसिर २० मा स्थापना भएको तत्कालीन पोखरा पब्लिक मिडिल स्कुल नामले स्थापित गण्डकीकै ऐतिहासिक राष्ट्रिय माविले वर्षैभरि विविध कार्यक्रम गरेर हीरक महोत्सव मनाउँदैछ । गत २० मंसिरदेखि सुरु भएको महोत्सवमा गत साता विद्यालयमा पुनर्मिलन समारोह भव्य भएको थियो ।

Related News

सम्बन्धित समाचार

  • गण्डकीमा बजेटको सिद्धान्त र प्राथमिकता आज

    आदर्श समाज सम्वाददाता जेठ १७, २०८१
    पोखरा । गण्डकी प्रदेशमा नयाँ मुख्यमन्त्री नियुक्ति भएलगत्तै प्रदेश सभाको बैठक आज बस्ने भएको छ । प्रदेश सभा सचिवाललयले सूचना…
  • पोखरा मुग्लिन सडक विस्तार- पोखरा खण्डमा पिचको तयारी

    आदर्श समाज सम्वाददाता जेठ १७, २०८१
    पोखरा । निर्माणाधीन पोखरा मुग्लिन सडक विस्तार परियोजनाको पोखरा खण्डमा पिचको तयारी गरिएको छ । पछिल्लो समय तीव्रताका साथ काम…
  • ५२ दिनपछि पाण्डेको ‘कमब्याक’

    आदर्श समाज सम्वाददाता जेठ १७, २०८१
    पोखरा । नेपाली कांग्रेस गण्डकी प्रदेश संसदीय दलका नेता सुरेन्द्रराज पाण्डे ५२ दिनपछि गण्डकीको मुख्यमन्त्रीमा फर्किएका छन् । सर्वोच्च अदालतले…
  • प्रदेशका मन्त्रीले क्वाटरमै बुझे ५० लाख घुस !

    आदर्श समाज सम्वाददाता जेठ १६, २०८१
    गण्डकी प्रदेशका एक मन्त्रीले पदमा बहाल रहेकै बेला निवासमै बोलाएर बहुवर्षे योजनाका लागि ५० लाख रुपैयाँ बुझेको, बाँकी १० लाख…
  • रविचन्द्रलाई अन्नपूर्ण पर्यटन पुरस्कार

    आदर्श समाज सम्वाददाता जेठ १६, २०८१
    पोखरा । अन्नपूर्ण सेन्चुरी पर्यटन समितिद्वारा सञ्चालित यस वर्षको अन्नपूर्ण पर्यटन पत्रकारिता पुरस्कार–२०८१ रविचन्द्र पराजुलीलाई प्रदान गरिने भएको छ ।…

hero news full width

trending post

ट्रेन्डिङ्ग