नेपालीहरुको सबभन्दा ठूलो चाड बडादसैं नजिक–नजिक आइरहेको छ । जति दसैं नजिक आउँछ, उति नेपालीहरुको आवत–जावत बढ्छ । टाढा–टाढा भएका नेपालीहरु पनि दसैं मान्न घर फर्कन्छन्, आफूभन्दा ठूला मान्यजनबाट टीका थाप्छन्, आशीर्वाद माग्छन् र आशीर्वाद पाएर आफूलाई धन्य सम्झन्छन् । दसैं मान्न नेपालीहरुले केही पहिलेदेखि नै लत्ता कपडा खरीद गर्दछन् र खाद्य सामग्रीको जोहो गर्दछन् । यो नेपालीको चलन हो । यो चलन सुरु हुन लागेको छ ।
एकतिर यो चलन सुरु हुन लागेको छ भने अर्कोतिर कोरोनाको संक्रमण बढ्दो छ । कोरोनाको चौंथो चरणले प्रायः खाली भएका अस्पतालको बेडहरुमा बिरामीले भर्दै छन् । कहीं कतै बिरामीको मृत्यु भएको समाचार पनि आउने गरेका छन् । हाम्रै छिमेकी देशहरु भारत र चीनमा पनि यो संक्रमण बढ्दै गएको छ । चीनको विभिन्न स्थानहरुमा लकडाउन गरिएको पनि समाचार छ । यसैबीच भारतबाट दसैं मान्नका लागि नेपालीहरु ठूलो संख्यामा घर फर्कने बेला पनि भएको छ । तिनीहरु घर फर्कंदा तिनीहरुले आफ्नो साथमा कोभिड १९ भित्रिन सक्छ । त्यसको लागि सीमा नाकामा परीक्षणको व्यवस्था र संक्रमित भएकाको औषधीमूलोको व्यवस्था गरिएको थियो । तर अहिले त्यस्तो व्यवस्था भएको छैन । कोरोनाको खोप अधिकांशले लगाएकाले यो रोग पहिले जस्तो गम्भीर प्रकृतिको देखिएको छैन तर यसलाई बेवास्ता गरी हिँड्ने बेला पनि भएको छैन । कुनै पनि बेला स्थिति गम्भीर हुन सक्छ । सम्बन्धित पक्ष यसमा गम्भीर हुनै पर्दछ ।
अर्को दसैंको समाचारका साथ बजारमा गुणस्तरहीन खाद्यान्न आयात भएको समाचार आएको छ । बजारमा पाइने सागपात आदिमा मानिसले खान नहुने रासायनिक पदार्थ मिसाएको कुरा बराबर आउने गर्दछन् । काठमाडौंमा यस सम्बन्धमा केही परीक्षण गरिन्छन् भने जिल्लाहरुमा त्यस्तो सुविधा छैन । जिल्लाका उपभोक्तहरुले रंग मिसिएको रासायनिक पदार्थ मिसिएका दाल सागपात खान बाध्य छन् । सिंहदरबार त हाम्रा घर दैलोमा पुगेको चर्चा गरिन्छन् । तर यस्तो कुरा हेर्ने कुनै संयन्त्र नै देखिँदैनन् । औपचारिक रुपले कहिलेकाहीं बजार अनुगमन गरिएको समाचार त आउँछन्, तर त्यसले बजारलाई खास प्रभाव पारेको देखिँदैन । अहिले त झन् कुहिएको चामल बजारमा आएको छ । कहाँ–कहाँ त्यस्तो चामल आएको छ, यसको अनुगमन भएको छैन । त्यस्तो चामल उपभोक्ताको घरमा समेत पुगेको अवस्था छ । तर सरकारी तर्फबाट त्यस सम्बन्धमा केही बताइएको छैन । सर्वसाधारणको स्वास्थ्यमा गम्भीर असर पार्ने यस्ता कुरामा सरकार गम्भीर बन्नै पर्दछ । तुरुन्त बजारको अनुगमन गरी अखाद्य ठहरिएका त्यस्ता कुरालाई बजारबाट हटाउनुपर्छ ।
Related News
सम्बन्धित समाचार
आन्दोलनलाई उत्तेजक नबनाऊ
नेपालको बिजुली भारतले किन्ने सम्झौता
अग्रज पत्रकार पोखरेलको निधन
प्रमको सम्बोधनः कामभन्दा आश्वासन धेरै
त्रिविमा राजनीतिक भागबण्डा अन्त्य गर्ने उद्घोष
hero news full width
मुख्य समाचार
ट्राफिक सप्ताहको ब्यानरमा प्रदेशका मन्त्रीको शपथ !
फडिन्द्रले इन्कार गर्दा माओवादीले दिन सकेन मन्त्री
वैशाख २४, २०८१गण्डकीमा एमालेका सीता सुन्दास र बेदबहादुरले लिए मन्त्रीको शपथ
वैशाख २४, २०८१सीतालाई सामाजिक. बेदबहादुरलाई खानेपानी मन्त्रालयको जिम्मा
वैशाख २४, २०८१सीता सुन्दास र बेदबहादुरलाई मन्त्री बनाउँदै खगराज
वैशाख २४, २०८१मन्त्रीमण्डल विस्तार गर्दै मुख्यमन्त्री अधिकारी, आजै साढे ४ मा शपथ
वैशाख २४, २०८१