लमजुङ । प्रहरीले रातको समयमा घरमै गएर महिलामाथि निर्घात कुटपिट गरेपछि महिलाहरू आक्रोशित हुँदै न्याय माग गरेका छन् । बेंसीसहर–८ दनाई फाँटस्थित दुलाल टोलकी २ छोराकी आमा ३५ वर्षीया सवला दुलाललाई प्रहरीले निर्घात कुटपिट गरी गम्भीर घाइते बनाएको हो ।
घाइतेको थप उपचारका चितवन रेफर गरिएको छ ।
‘शुक्रबार राति करिब १० बजे १२ वर्षको कान्छो छोराले पढेन भनेर उस्लाई गाली गर्दै बसिरहेको समयमा एक्कासि प्रहरी भ्यान आयो । गस्तीमा आएका ४/५ जना प्रहरीले बोलाए । किन ? भन्दै नजिक पर्नासाथ कञ्चनमा चड्काए र तान्न खोजे,’ पीडित महिलाले भनिन्, ‘बिनाकारण किन जाने, जान्नँ भने । छातीमा समातेर रोडमा फ्याँके । प्रहरीले दुईतिर पाखुरामा समाउँदै रोडमा घिसार्दै भ्यानमा कोचे ।’
उनले भनिन्, ‘पिट्दै जिल्ला प्रहरी कार्यालय पुर्याए । भ्यानबाट ओरालेपछि पनि पिट्ने काम रोकिएन । मैले मेरो के विराम छ र ? भन्दा पनि अझ बोल्छस् भन्दै कुटिरहे । बेहोस् भएर ढलेछु । कति बेला होसमा आएँ थाहा भएन ।’ उनले बिहान रिमरिमे उज्यालो हुने बेलामा जा तेरो भरमा भनेर छाडेको बताए । उनको शरीरमा प्रहरीको कुटाइले नीलडाम छ । छिमेकीको सल्लाहमा अस्पताल भर्ना गरिएको हो ।
उनलाई हस्पतालमा कुरेर बसेकी भाइबुहारी बिना अछामील् प्रहरीले घोर अन्याय गरेको हुँदा न्याय चाहिने बताउँछन् ।
यस घटनाबारे जानकारी दिन पीडित पक्षको एक प्रतिनिधि मण्डल जिल्ला प्रहरी कार्यालय गएको थियो । त्यहाँ प्रहरीका प्रमुखबाट जुनियर स्टाफबाट कमजोरी भएको रहेछ, उपचार खर्च लगायतको कारबाही गर्नुपर्ने सबै गर्छौं भन्ने प्रतिवद्धता व्यक्त भएको पीडितका भिनाजु रणसिंह नेपालीले बताए ।
यसबारे जिल्ला प्रहरी कार्यालयमा सम्पर्क गर्दा महिला कुटिएको खबर आएको र अनुसन्धान बाँकी भएकोले अहिले नै केही भन्न नसक्ने प्रहरी नायव उपरीक्षक कृष्णबहादुर कार्कीले बताए ।
Related News
सम्बन्धित समाचार
ट्राफिक सप्ताहको ब्यानरमा प्रदेशका मन्त्रीको शपथ !
फडिन्द्रले इन्कार गर्दा माओवादीले दिन सकेन मन्त्री
गण्डकीमा एमालेका सीता सुन्दास र बेदबहादुरले लिए मन्त्रीको शपथ
सीतालाई सामाजिक. बेदबहादुरलाई खानेपानी मन्त्रालयको जिम्मा
सीता सुन्दास र बेदबहादुरलाई मन्त्री बनाउँदै खगराज
hero news full width
मुख्य समाचार
मन्त्रीमण्डल विस्तार गर्दै मुख्यमन्त्री अधिकारी, आजै साढे ४ मा शपथ
संविधान मिचेर मुख्यमन्त्रीलाई बहुमत, कांग्रेस सर्वोच्च जाने
वैशाख २४, २०८१भलिबलमा अटल हिमाल
वैशाख २३, २०८१गण्डकीमा सभामुखले संविधान मिचेको कांग्रेसको आरोप
वैशाख २३, २०८१गण्डकीमा ३० सिटलाई बहुमत, मुख्यमन्त्रीमा खगराजको निरन्तरता, सभामुखलाई कांग्रेसले देखायो कालो झन्डा
वैशाख २३, २०८१गण्डकी प्रदेश सभाको बैठक ३० मिनेटका लागि स्थगित
वैशाख २३, २०८१