पोखरा । मादी गाउँपालिकाले आगामी आवको लागि ५६ करोड ४ लाख ८३ हजार ५ रुपैयाँ बराबरको बजेट सार्वजनिक गरेको छ । बिहीबार सार्वजनिक बजेट चालु आवको प्रस्तावित अनुमानभन्दा ५.२० प्रतिशतले बढी हो ।
गाउँपालिकाको नवौं सभामा उपाध्यक्ष विष्णुमाया आचार्य पौडेलले आर्थिक विकासतर्फ ३ करोड ३ लाख, सामाजिक विकासमा २९ करोड ४० लाख, पूर्वाधार विकासमा १० करोड ६८ लाख विनियोजन गरिएको छ । यस्तै, वन, वातावरण तथा विपद् व्यवस्थापनतर्फ १ करोड १३ लाख र सुशासन तथा संस्थागत विकासतर्फ ११ करोड ७९ लाख छुट्टाइएको जनाइन् ।
पालिकाले संघीय सरकार वित्तीय समानीकरणबाट ९ करोड ३ लाख, संघीय सरकार सशर्त अनुदानबाट २५ करोड १३ लाख, संघीय सरकार विशेष अनुदानबाट १ करोड २० लाख, संघीय सरकार राजस्व बाँडफाँटबाट ८ करोड २८ लाख, प्रदेश सरकार वित्तीय समानीकरणबाट ९९ लाख, प्रदेश सरकार राजस्व बाँडफाँडबाट ६७ लाख, आन्तरिक आय तथा रोयल्टी अल्यासमेत १० करोड ६९ लाख स्रोत अनुमान गरेको छ ।
बजेटले कोरोना महामारी नियन्त्रण, व्यवस्थापन गरी कोभिडका कारण स्वदेश तथा विदेशमा रोजगारी गुमाएका नागरिकलाई रोजगारी सिर्जना गर्ने, कृषि क्षेत्रको आधुनिकीकरण गर्दै उत्पादन र उत्पादकत्व बढाउने, भौतिक पूर्वाधार विकासका जोड दिँदै अधुरा तथा क्रमागत योजना सम्पन्न गर्ने योजनालाई प्राथमिकतामा राखेको छ । साथै महिला सशक्तीकरण तथा आयआर्जनसम्बन्धी कार्यक्रममार्फत सामाजिक रुपान्तरणमा सहयोग गर्ने, बालबालिका, ज्येष्ठ नागरिक, अपांग, दलित, जनजाति तथा अल्पसंख्यकको उत्थान हुने कार्यक्रम सञ्चालन गर्ने, शिक्षा, स्वास्थ्य, खानेपानी, संस्कृति प्रवद्र्धन जस्ता सामाजिक क्षेत्रमा लगानी वृद्धि गर्ने, सार्वजनिक सेवा प्रवाह पारदर्शी र गुणस्तरीय बनाउने, फोहोरमैला व्यवस्थापन गरी वन तथा वातावरण संरक्षण एवं विपद् व्यवस्थापन गर्ने विषयलाई प्रमुखताका साथ उठाइएको छ ।
यस्तै अध्यक्षसँग युवा स्वरोजगार कार्यक्रमको लागि ५० लाख, कृषि तथा औजार उपकरण तथा कृषि सामग्री अनुदानको लागि ६६ लाख छुट्टाइएको छ ।
यसअघि गाउँपालिका अध्यक्ष वेदबहादुर गुरुङले आगामी आवको लागि सोमबार नीति तथा कार्यक्रम सार्वजनिक गरेको जानकारी गाउँपालिकाका प्रशासकीय अधिकृत नारायणप्रसाद सापकोटाले दिए ।
Related News
सम्बन्धित समाचार
पोखराको नयाँ बजारमा सिजी मोटर्सको सोरुम, टिटी ग्लोबलले थाल्यो बिक्री
रेडक्रस कास्कीलाई लुम्बिनी विकासको सहयोग
यस्तो छ लगानी सम्मेलनको कार्यतालिका
राष्ट्रपतिद्वारा लगानी सहजीकरणसम्बन्धी अध्यादेश जारी
नेपालमा लगानीकर्ताका लागि उपयुक्त वातावरण र सहि अवसर छ : महासंघ अध्यक्ष ढकाल
hero news full width
मुख्य समाचार
मुख्यमन्त्री अधिकारीले रोजे पुरानै मन्त्री
ट्राफिक सप्ताहको ब्यानरमा प्रदेशका मन्त्रीको शपथ !
वैशाख २४, २०८१फडिन्द्रले इन्कार गर्दा माओवादीले दिन सकेन मन्त्री
वैशाख २४, २०८१गण्डकीमा एमालेका सीता सुन्दास र बेदबहादुरले लिए मन्त्रीको शपथ
वैशाख २४, २०८१सीतालाई सामाजिक. बेदबहादुरलाई खानेपानी मन्त्रालयको जिम्मा
वैशाख २४, २०८१सीता सुन्दास र बेदबहादुरलाई मन्त्री बनाउँदै खगराज
वैशाख २४, २०८१