पोखरा ।चौथो संस्करणको ‘हिमाअस हस्पिटालिटी नेपाल कन्टेस्ट’ मा भ्रमण साझेदारको रुपमा मेटरिक्स एरिना क्लबले सहकार्य गर्ने भएको छ । एपी इन्टरटेन्मेन्टका प्रबन्ध निर्देशक अर्जुन पाण्डे र मेटरिक्स एरिना क्लब सञ्चालक अमन बिक्रम थापाबीच शुक्रबार सम्झौतापत्रमा हस्ताक्षर भएको हो ।

‘भ्रमण साझेदारीरुपमा एरिना क्लबसँग सहमति भएको हो,’ निर्देशक पाण्डेले भने, ‘हस्पिटालिटी नेपाल कन्टेस्टको विजेतालाई क्लबकै सहकार्यमा थाइल्याड भ्रमण गर्न लगिने छ ।’एक वर्षदेखि पोखरा लेकसाइडमा सञ्चालनमा आएको सो क्लबबाट ५० जनाले रोजगारी पाएका छन् । चोथो संस्करणले ‘हिमा–अस हस्पिटालिटी नेपाल कन्टेस्ट’ मा १८ जना प्रतिस्पर्धी सहभागी हुने छन् ।प्रथमले थाइल्याण्ड भ्रमण प्याकेज प्राप्त गर्नेछन् । दोस्रो र तेस्रो हुनेले भ्रमण भर्ष २०२० लक्षित आन्तरिक भ्रमण प्योकजको साथमा नगद पुरस्कार प्राप्त गर्नेछन् ।

‘कन्टेस्ट’ मा सहभागी हुने प्रतिष्पर्धाका लागि वारिष्टा ट्रनिङ, बारटेन्डर ट्रेनिङ, पब्लिक स्पिकिङ, ड्रेसिङ सेन्स, लिडरसीप तथा सेल्फ मार्केटिङ स्कील, कम्युनिकेशन स्कील डेभलपमेन्ट, मोटिभेसन स्किल लगायत तालिम दिइने आयोजकले जानकारी दिए ।नेपाल सरकारले सन् २०२० लाई भ्रमण वर्षरुपमा मनाइरहेको सन्दर्भमा भ्रमण वर्षलाई टेवा पुग्ने गरी चौथो संस्करणलाई ‘स्पेशल इडिसन भिजिट नेपाल २०२०’ को रुपमा आयोजना गरिएको छ ।