व्यास नगरपालिकामा मेयर चुनावको पुन मतगणना गर्न आदेश

आदर्श समाज सम्वाददाता
जेठ २, २०८१
high court pokhara

पोखरा । तनहुँको व्यास नगरपालिका प्रमुखका लागि भएको निर्वाचनको पुन मत गणना गर्न उच्च अदालत पोखराले मंगलबार आदेश दिएको छ । कामु मुख्य न्यायाधीश राजनप्रसाद भट्टराई र न्यायाधीश निर्मला पौडेल भट्टराईको इजलासले पुनः मतगणना गर्न आदेश दिएको हो ।

२०७९ बैशाखमा भएको निर्वाचनमा नगरपालिका प्रमुखमा स्वतन्त्र उम्मेदवारी दिएका दीपकराज जोशीले पुन मतगणनाको माग गर्दै उतिबेला नै उच्च उदालत पोखरामा मुद्दा दर्ता गराएका थिए ।

३६ पटक पेसी सरेपछि जोशीको रिटमा आदेश आएको हो

मत परिणाम अनुसार नेपाली कांग्रेसका बैकुण्ठनाथ न्यौपाने १२ हजार ७८ ल्याउँदा जोशीले २ सय ५२ कम अर्थात् ११ हजार ८ सय २६ मत ल्याएका थिए ।
जोशीले मतगणना कार्य वदर गरी दोहो¥याइ मतगणना गरी पाऊँ भनी २०७९ जेठ १२ गते रिट दायर गरेकामा भोलिपल्ट विपक्षीका नाममा कारण देखाउ आदेश जारी भएको छ । निर्वाचन आयोग नेपाल, मुख्य निर्वाचन अधिकृत, मुख्य निर्वाचन अधिकृतको कार्यालय तनहुँ, जिल्ला निर्वाचन कार्यालय तनहँु र वैकुण्ठनाथ न्यौपानेलाई विपक्षी बनाइ उनले रिट दायर गरेका थिए ।

३६ पटक पेसी सरेपछि जोशीको रिटमा आदेश आएको हो । रिट दायर भएपछि २०७९ जेठ १३ मा कारण देखाउ आदेश जारी भएकामा त्यसपछि २ पटक प्रमाण माग्ने आदेश भएको छ । २०८० चैत ६ गते वहस नोट माग्ने आदेश आएको थियो । त्यसवाहेक कहिले हेर्न नभ्याइने भएर पेसी सरेका थियो भने कहिले प्रत्यर्थी र कहिले विपक्षीबाट पेसी सार्ने काम हुँदै आएको थियो ।

Related News

सम्बन्धित समाचार

  • गण्डकीमा बजेटको सिद्धान्त र प्राथमिकता आज

    आदर्श समाज सम्वाददाता जेठ १७, २०८१
    पोखरा । गण्डकी प्रदेशमा नयाँ मुख्यमन्त्री नियुक्ति भएलगत्तै प्रदेश सभाको बैठक आज बस्ने भएको छ । प्रदेश सभा सचिवाललयले सूचना…
  • पोखरा मुग्लिन सडक विस्तार- पोखरा खण्डमा पिचको तयारी

    आदर्श समाज सम्वाददाता जेठ १७, २०८१
    पोखरा । निर्माणाधीन पोखरा मुग्लिन सडक विस्तार परियोजनाको पोखरा खण्डमा पिचको तयारी गरिएको छ । पछिल्लो समय तीव्रताका साथ काम…
  • ५२ दिनपछि पाण्डेको ‘कमब्याक’

    आदर्श समाज सम्वाददाता जेठ १७, २०८१
    पोखरा । नेपाली कांग्रेस गण्डकी प्रदेश संसदीय दलका नेता सुरेन्द्रराज पाण्डे ५२ दिनपछि गण्डकीको मुख्यमन्त्रीमा फर्किएका छन् । सर्वोच्च अदालतले…
  • प्रदेशका मन्त्रीले क्वाटरमै बुझे ५० लाख घुस !

    आदर्श समाज सम्वाददाता जेठ १६, २०८१
    गण्डकी प्रदेशका एक मन्त्रीले पदमा बहाल रहेकै बेला निवासमै बोलाएर बहुवर्षे योजनाका लागि ५० लाख रुपैयाँ बुझेको, बाँकी १० लाख…
  • रविचन्द्रलाई अन्नपूर्ण पर्यटन पुरस्कार

    आदर्श समाज सम्वाददाता जेठ १६, २०८१
    पोखरा । अन्नपूर्ण सेन्चुरी पर्यटन समितिद्वारा सञ्चालित यस वर्षको अन्नपूर्ण पर्यटन पत्रकारिता पुरस्कार–२०८१ रविचन्द्र पराजुलीलाई प्रदान गरिने भएको छ ।…

hero news full width

trending post

ट्रेन्डिङ्ग