पोखरा । जिल्ला खेलकुद विकास समिति कास्कीको निमित्त अध्यक्षको जिम्मेवारी केशवबहादुर थापाले पाएका छन् ।

समिति अध्यक्ष तोरणबहादुर बानियाँ केही समयको लागि चीन भ्रमणमा जाने भएकोले सदस्य थापालाई उक्त जिम्मेवारी दिइएको हो । ८ जेठमा थमाइएको पत्रमा भनिएको छ, ‘…उपाध्यक्षसँग सम्पर्क नभएकोले मेरो अनुपस्थितिमा यस कार्यालयको दैनिक कामकाज गर्नको लागि समितिको सदस्य तपाईं केशवबहादुर थापालाई २०८१।०२।०९ देखि म कार्यालयमा उपस्थित नभइञ्जेलसम्मका लागि निमित्त अध्यक्षको रुपमा रही कामकाज गर्नुहुनको लागि जिम्मेवारी दिएको छु ।’

जिम्मेवारी पाएका थापा सहारा क्लब पोखराका पूर्व अध्यक्षसमेत हुन् ।