ओम बचतको साधारणसभा सम्पन्न

Avatar आदर्श समाज सम्वाददाता
भाद्र ३०, २०७६

ओम बचत तथा ऋण सहकारी संस्था लिमिटेड पोखरा १ विन्ध्यबासिनीको एघारौं बार्षिक साधारणसभा शनिवार सम्पन्न भएको छ। कार्यक्रममा पोखरा महानगरपालिका सहकारी समितिका अध्यक्ष तेजनारायण अधिकारीले छरिएर रहेका किसान, ब्यापारी, मजदुर, कर्मचारी, गृहणी तथा युवालगायतको रकम संकलन गरेर सहकारीले एकमुष्ठ लगानी गर्दा उत्पादनमा सघाउ पुग्ने बताए। उनले सहकारीलाई उत्पादन, उपभोग, श्रम र सीपमा आधारित रहेर स्वरोजगार सृजना गर्न र थप उत्पादनका कार्यमा जुटेर देशको समृद्धिमा सघाउनुपनेर्मा जोड दिए।

साधारणसभाको अवसरमा सहकारीले संस्थाका जेष्ठ नागरिक पशुपति पौडेल र आशमाया गुरुङ, असल ऋणी दुर्गा भुजेल, २०७५ सालमा एस.ई.ई.मा उत्कृष्ट अंक ल्याई उत्तीर्ण हुने प्रसन्न पराजुली र प्रकृति पराजुली, दश जोड दुईमा उत्कृष्ट अंक ल्याउने जयन अधिकारीलाई सम्मान गरिएको थियो।

संस्थाका अध्यक्ष बिष्णुप्रसाद अधिकारीको अध्यक्षतामा भएको कार्यक्रममा उपाध्यक्ष रामप्रसाद अधिकारी, सचिव रमेशप्रसाद अधिकारी तथा छिमेकि सहकारी का अध्यक्षहरुले बोलेका थिए।

यसैबीच, सहकारीले अबदेखि दैनिक बचत संकलन गर्ने जनाएको छ। यसअघी माशिक रुपमा बचत संकलन गर्दै आएको सहकारीले अबदेखि दैनिक बचत संकलन गर्ने जनाएको हो। साथै सहकारीले छिट्टै रेमिटान्स सेवापनि सञ्चालन गर्ने सचिव रमेशप्रसाद अधिकारीले जानकारी दिए।

सहकारीले यस वर्ष १३ प्रतिशत लाभांश वितरण गरेको छ। सहकारीको शेयर पुँजी १ करोड ४६ लाख छ भने १ करोड ९ लाख निक्षेप संकलन गरिएको सहकारीका अध्यक्ष विष्णुप्रसाद अधिकारीले जानकारी दिए।

तपाइको विचार व्यक्त गर्नुहोस्

हाम्रो सुझाव

कोअपरेटिभ म्यानेजर्स क्लबमा बस्नेत

हेमजा बचतको १४ औं साधारणसभा

चार करोड लगानीमा वातावरण मैत्री उद्योग सञ्चालन

किसान सहकारीमा मोतिराम

प्रमुख समाचार

मन्त्रिपरिषद् हेरफेर हुँदै