पोखरा । पोखरा रंगशालाको बास्केटबल कोर्टमा संचालित प्रथम मेयर कप बास्केटबल प्रतियोगिता आइतबार सकिएको छ ।
प्रतियोगितामा विद्यालय तहको (कक्षा १०) छात्रतर्फ कुमुदिनी होम्स र छात्रातर्फको उपाधि मनकामना बोर्डिङले जितेको छ ।
त्यस्तै, विद्यालय तहकै (कक्षा १२) को स्पर्धामा छात्रतर्फ पोखरा सेकेण्डरी स्कुल र छात्रातर्फको उपाधि न्यू ग्यालेक्सीले जितेको छ । ब्याचलर छात्रतर्फको उपाधि जनप्रिय र छात्रातर्फको उपाधि पोखरा लिङ्कनले जितेको छ । भेट्रान्सतर्फ अमरसिंह भेट्रान्स बास्केटबल टोली बिजयी बन्दै उपाधि जितेको छ ।
प्रतियोगिता अन्तरगत विद्यालय तहको (कक्षा १०) छात्रतर्फको फाइनल स्पर्धामा कुमुदिनी होम्सले बालकल्याणमाथि ६२–६० को अन्तरको झिनो जित निकाल्दै उपाधिमाथि कब्जा जमायो । उपाधिसँगै कुमुदिनी होम्सले १० हजार र उपविजेता बालकल्याणले ७ हजार सहित ट्रफी, मेडल र प्रमाणपत्र हात पा¥यो ।
प्रतियोगिताको विद्यालय तह (कक्षा १०) छात्रातर्फको फाइनल शनिबार नै भएको थियो । जसमा मनकामना बोर्डिङले कास्की मोडर्नाइज्डमाथि १३–९ को जित निकाल्दै उपाधि हात पारेको थियो । उपाधिसँगै विजेता मनकामना बोर्डिबबले १० हजार र उपविजेता कास्की मोडर्नाइज्डले ७ हजार सहित ट्रफी, मेडल र प्रमाणपत्र पुरस्कार प्राप्त ग¥यो ।
प्रतियोगिता अन्तरगत विद्यालय तह (कक्षा १२) छात्रतर्फको पोखरा सेकेण्डरी स्कुल र न्यू ग्यालेक्सीबीचको सनसनीपूर्ण फाइनलमा पोखरा सेकेण्डरीले ५१–५० को साँघुरो स्कोरले जितसहित उपाधि हात पा¥यो । उपाधिसँगै विजेता पोखरा सेकेण्डरीले १२ हजार उपविजेता न्यू ग्यालेक्सीले ७ हजार सहित ट्रफी, मेडल र प्रमाणपत्र पुरस्कार प्राप्त ग¥यो ।
प्रतियोगिताको विद्यालय तह (कक्षा १२) छात्रातर्फको फाइनलमा न्यू ग्यालेक्सीले टप्स स्कुललाई ३४–११ को फराकिलो स्कोरमा हराउँदै उपाधिमाथि कब्जा जमायो । उपाधिसँगै विजेता न्यू ग्यालेक्सीले १२ हजार र उपविजेता टप्स स्कुलले ७ हजार सहित ट्रफी, मेडल र प्रमाणपत्र पुरस्कार हात पा¥यो ।
प्रतियोगिता अन्तरगत ब्याचलर छात्रतर्फको फाइनलमा जनप्रिय क्याम्पसले पीएन क्याम्पसमाथि ६१–४३ को फराकिलो स्कोर अन्तरले जित निकाल्दै उपाधि उचाल्यो । उपाधिसँगै विजेता जनप्रियले १५ हजार र उपविजेता पीएन क्याम्पसले ८ हजार सहित ट्रफी, मेडल र प्रमाणपत्र पुरस्कार प्राप्त ग¥यो ।
प्रतियोगिताको ब्याचलर छात्रातर्फ पोखरा लिङ्कनले पोखरा कलेज अफ टुरिजम एण्ड होटल म्यानेजमेन्टलाई ३५–१८ को फराकिलो स्कोरले हराउँदै उपाधि जित्यो । उपाधिसँगै विजेता पोखरा लिङ्कनले १५ हजार र उपविजेता पोखरा कलेज अफ टुरिजम एण्ड होटल म्यानेजमेन्टले ८ हजार सहित ट्रफी, मेडल र प्रमाणपत्र हात पा¥यो ।
प्रतियोगिता अन्तरगत अमरसिंहको भेट्रान्स बास्केटबल टोलीले फाइनलमा आयोजक कास्की जिल्ला बास्केटबल संघलाई ६३–३८ फराकिलो अंकले जित्दै उपाधि हात पारेको हो ।
राष्ट्रिय खेलकुद परिषद बोर्ड सदस्य राजेशकुमार गुरुङ, नेपाल बास्केटबल संघका केन्द्रीय उपाध्यक्ष जुम गुरुङ, पोखरा महानगरपालिका कार्यलयका कानून अधिकृत एवं कास्की जिल्ला बास्केटबल संघका सल्लाहकार नारायण शर्मा र कास्की जिल्ला बास्केटबल संघका अध्यक्ष धोजकुमार गुरुङ तथा पदाधिकारी लगायतले विजयी टिम तथा खेलाडीहरुलाई पुरस्कार वितरण गरेका हुन् ।
Related News
सम्बन्धित समाचार
तनहुँको फ्रेन्डसीप क्लबलाई फुटबल उपाधि
लेखनाथ हाफ म्याराथनमा आर्मीका सञ्जय च्याम्पियन
वडा ४ ले जित्यो अध्यक्ष कप फुटबल
ढोलाहिटीलाई फुटबल उपाधि
बुद्ध विशालको फुटसल प्रतियोगिता
hero news full width
मुख्य समाचार
मनिपालमा अत्याधुनिक एमआरआई मेसिन
१३ वटा मुद्दा चलेका एक युवा पोखराबाट अटोमेटिक पेस्तोलसहित पक्राउ
वैशाख १३, २०८१कतारी अमिर स्वेदश फिर्ता : पोखरा–कतार उडान माग
वैशाख १३, २०८१कास्कीमा एसइई उत्तरपुस्तिका परीक्षण रोकियो
वैशाख १२, २०८१गण्डकीमा डायलाइसिसका लागि अब पालो कुर्न नपर्ने
वैशाख १२, २०८१स्वदेश फर्किए कतारी अमिर
वैशाख १२, २०८१