नवलपुर । मध्यविन्दु जिल्ला अस्पतालमा बहिरंग सेवा (ओपिडी) १२ घण्टा सञ्चालन भएको छ । अस्पतालमा यसअघि ओपिडी ८ घण्टा सञ्चालन हुने गरेकोमा बिरामीको चापलाई मध्यनजर गरी १२ घण्टा सञ्चालन गरिएको हो ।
अस्पतालले बिहान ७ देखि साँझ ७ बजेसम्म ओपिडी सेवा सुरु गरेको निमित्त मेडिकल सुपरिटेन्डेन्ट डा. जितेन्द्र कँडेलले बताए । उनका अनुसार औषधी थप गर्नुपर्ने र प्रयोगशालामा परीक्षण गर्नुपर्ने बिरामीलाई प्राथमिकतामा राखेर सेवा विस्तार गरिएको र अब क्रमश विशेषज्ञ सेवा पनि बिस्तार हुनेछ ।
उनले भने, ‘बिहानै खाली पेटमा परीक्षण गर्नुपर्ने सबै सेवाग्राहीलाई सहज हुनेछ, भीडभाडमा कमी भई सेवाग्राहीले लामो समय लाइनमा बस्नुपर्ने समस्याको अन्त्य हुनेछ ।’ उक्त अस्पतालबाट अन्यत्र अस्पताल रेफर हुने बिरामीका लागि समयमै सिफारिस गर्न सकिने हुँदा जान सहज हुने उनको विश्वास छ ।
ओपिडी सेवा १२ घण्टा सञ्चालन हुने भएपछि सेवाग्राहीको घुइँचो कम हुने र छिटो सेवा प्रदान गर्न सकिने अस्पतालका सूचना अधिकारी छविलाल सुवेदीले बताए । विशेषगरी मधुमेहका बिरामीले बिहानको समयमा डाक्टरलाई स्वयं भेट गरी चेकजाँच गर्न साथै रेफर भएर अन्य अस्पतालमा जो बिरामीलाई सहज भएको बताए ।
दिउँसो १ बजेसम्म मात्र बिरामीले टिकट काट्ने गरेकोमा अहिले ४ बजेसम्म टिकट काट्न पाउने उनले बताए । विशेषज्ञ डाक्टरले नै साँझ ७ बजेसम्म सेवा प्रवाह गर्ने अस्पतालले जनाएको छ । स्वास्थ्य बिमा लागु भएपछि अहिले जिल्ला अस्पतालमा दैनिक २ सयभन्दा बढी बिरामीले ओपिडी सेवा लिँदै आएका छन् ।
Related News
सम्बन्धित समाचार
पत्रकार पोखरेल सम्मानित
रेवान पोखरामा विश्वराज
फिल्म ‘ईश्वर’ प्रदर्शन सुरु
कर्जा विस्तार हुनेगरी मौद्रिक नीति ल्यायौंः गभर्नर अधिकारी
बेनी–जोमसोम सडक अवरुद्ध
hero news full width
मुख्य समाचार
गायक तथा गीतकार एलपी जोशी रहेनन्
आज मौद्रिक नीति सार्वजनिक हुँदै
श्रावण ११, २०८१पोखराको गन्नीलाई रनिङ सिल्ड
श्रावण १०, २०८१लीलादेवी बनिन् पहिलो महिला मुख्यसचिव
श्रावण १०, २०८१राइड सेयरिङविरुद्ध पोखराका यातायात व्यवसायीको आन्दोलन
श्रावण १०, २०८१जहाज सि चेकका लागि पोखरा आउँदै थियो
श्रावण ९, २०८१