पोखरा । बुद्ध विशाल बजार व्यापारिक एसोसिएसन पोखराले आफ्ना व्यवसायीबीच सातौं आन्तरिक फुटसल प्रतियोगितामा राजेश खाँडको समूह विजयी भयो ।

फाइनलमा अंकित श्रेष्ठको समूहलाई हराउँदै राजेश खाँडको समूहले उपाधि जितेको हो । विजेता र उपविजेताले क्रमशः २४ हजार र १६ हजार साथमा सिल्ड, मेडल र प्रमाणपत्र प्राप्त गरे । सुमन तामाङ उत्कृष्ट खेलाडी घोषित भए । प्रतियोगितामा ५ टिमले भाग लिएका थिए ।

गण्डकी प्रदेशसभा सदस्य प्रकाश बरालले प्रतियोगिता उद्घाटन गर्दै यस्ता कार्यक्रमले भाइचारा सम्बन्ध विकासमा सघाउ पुगने बताए । बरालले व्यवसायीका समस्या समाधान गर्न आफू प्रतिद्ध रहेको बताए ।

नेपाली फुटबल महिला राष्ट्रिय टिमका प्रशिक्षक राजेन्द्र तामाङले नेपालमा फुटबल खेलको भविष्य उज्ज्वल रहेको बताउँदै आफूलाई बुद्ध विशाल बजार व्यापारिक एसोसिएसनले गरेको सम्मानप्रति आभार व्यक्त गरे ।

एसोसिएसन मानार्थ सदस्य तथा उच्चस्तरीय समन्वय समितिका संयोजक केशवबहादुर खत्रीले व्यवसायीका हकहितको लागि आफू सदैव लड्ने बताउँदै व्यवसायीले पनि आफ्नो काम कर्तव्य के हो भनी बुझेर काम गर्न सुझाव दिए ।

एसोसिएसन अध्यक्ष इन्द्रराज अर्यालको अध्यक्षतामा भएको कार्यक्रम सञ्चालन सचिव थमन गुरुङ र स्वागत बुद्धिबहादुर कुँवरले गरेका थिए ।

यसैबीच, एसोसिएसनले प्रकाशन गरेको २०८१ सालको क्यालेन्डरसमेत विमोचन गरिएको थियो ।