थाइल्यान्डमा जारी एसिया कप इन्डोर हक्की च्याम्पियनसीपमा नेपालको महिला टोलीले एक जित निकालेको छ ।
थाइल्यान्डको चोनबुरीमा बुधबार भएको समूह चरणको तेस्रो खेलमा नेपालले फिलिपिन्समाथि ३–२ को नतिजा निकालेको हो ।
यसअघि, समूह चरणको पहिलो खेलमा नेपालले काजकिस्तानसँग ८–० ले हार व्यहोरेको थियो । त्यस्तै, नेपाल उज्वेकिस्तानसँग ९–० ले पराजित भएको थियो । निकै प्रतिस्पर्धात्मक बनेको खेलमा पछि परेको स्थितिलाई उल्ट्याएर नेपालले जित हात पारेको हो । नेपालको जितमा देविका विकले दुई तथा निलिमा पाण्डेले एक गोल गरिन् ।
अब नेपालले समूह चरणको अन्तिम खेलमा बुधबार इरानसँग प्रतिस्पर्धा गर्नेछ । नेपालको समूह ‘ए’ मा उज्वेकिस्तान, काजकिस्तान, इरान र फिलिपिन्स छन् । नेपालले पहिलोपटक च्याम्पियनसीपमा खेलेको हो ।
पुरुषतर्फ भने नेपालले जित हात पार्न सकेको छैन । समूह चरणमा एक खेल बाँकी रहँदा नेपाल अंकविहीन हुदै पुछारमा छ । नेपालको पुरुष टोलीले अब अन्तिम खेल बिहीबार चाइनिज ताइपेइसँग खेल्नेछ ।
बुधबार नेपाल सिंगापुरसँग १७–१ को फराकिलो अन्तरले पराजित भएको छ । नेपालका लागि प्रेम विकले एक मात्र शान्त्वना गोल गरे । सिंगापुरका ग्रेवाल र गोहले ह्याट्रिक पुरा गरे । नेपाल पहिलो खेलमा उज्वेकिस्तानसँग १३–२ र काजकिस्तानसँग १२–१ ले पराजित भएको थियो ।
च्याम्पियनसीपमा पुरुषतर्फ ११ र महिलातर्फ ९ टोलीको सहभागिता रहेको नेपाल हक्की संघले जनाएको छ । नेपाल हकी संघका उपाध्यक्ष मनिष झाको नेतृत्वमा रहेको टोलीमा पुरुष र महिलातर्फ समान १२ खेलाडी छन् । पुरुष टोलीको प्रशिक्षकमा बाबुराम नेपाल र महिला टोलीको प्रशिक्षकमा रञ्जन थापा छन् ।
Related News
सम्बन्धित समाचार
भलिबलमा अटल हिमाल
इन्द्रालाई लाइफटाइम अचिभमेन्ट अवार्ड
पोखरा ७ स्तरीय वृहत दौड प्रतियोगिता
आठौं पोखरा स्पोर्टस् अवार्ड : वर्ष खेलाडी ह्याट्रिक दाउमा अरुणा
राष्ट्रिय माविको हीरक महोत्सवअन्तर्गत छात्र/छात्रा सडक दौड तयारी
hero news full width
मुख्य समाचार
संविधान मिचेर मुख्यमन्त्रीलाई बहुमत, कांग्रेस सर्वोच्च जाने
गण्डकीमा सभामुखले संविधान मिचेको कांग्रेसको आरोप
वैशाख २३, २०८१गण्डकीमा ३० सिटलाई बहुमत, मुख्यमन्त्रीमा खगराजको निरन्तरता, सभामुखलाई कांग्रेसले देखायो कालो झन्डा
वैशाख २३, २०८१गण्डकी प्रदेश सभाको बैठक ३० मिनेटका लागि स्थगित
वैशाख २३, २०८१मुलुकमा राजनीतिक अस्थिरताको जड नै माओवादी : कांग्रेस संसदीय दलका नेता पाण्डे
वैशाख २३, २०८१प्रदेश विघटन हुन जोगाउने जिम्मा सभामुखको हो : माओवादी नेता चुमान
वैशाख २३, २०८१