पोखरा । पूर्व मुख्यमन्त्री एवं कांग्रेस संसदीय दलका नेता सुरेन्द्रराज पाण्डेले नेपालमा राजनीतिक अस्थिरताको जड नै माओवादी रहेको बताएका छन् ।

सत्ता बाहिर अर्थात् विपक्षी बेञ्चमा नै बस्न नचाहाने माओवादीका अनुसार यो अवस्था आएको उनले बताए । प्रदेश सभामा मुख्यमन्त्रीले पेस गरेको प्रस्तावमाथिको छलफलमा सहभागी हुँदै नेता पाण्डेले माओवादीका हरिबहादुर चुमानलाई लक्ष्य गर्दै प्रदेशमा समाजवादको विजारोपणका लागि कहिले कसैले नरोकेको भनाइ राखे ।

नेता चुमानले अधिकारी नेतृत्वको सरकारले समाजवादको विजारोपण गरेको बताएको थिए । त्यसैको प्रतिवाद गर्दै नेता पाण्डेले भने, ‘मेरो नेतृत्वको सरकारमा रहँदा समाजवादको विजारोपण गर्न कसले रोकेको थियो ?’