पोखरा । गण्डकी प्रदेश सभामा माओवादी संसदीय दलका नेता हरिबहादुर चुमानले प्रदेश सभा विघटनबाट जोगाउने जिम्मा सभामुखको हुने बताएका छन् ।

प्रदेश सभामा मुख्यमन्त्रीले पेस गरेको प्रस्तावमाथिको छलफलमा सहभागी हुँदै नेता चुमानले सभामुखको भूमिका रेफ्रीको भएकाले त्यसै अनुसार गर्नुपर्ने भनाइ राखे ।

उनले भने, ‘सभामुखका बारेका कोसीमा पनि हामीले देखियो, भूमिका हो । बराबरी भएमा मत हाल्ने हो, तर त्यसवाहेक निर्णायक मत समेत उसले हाल्न पाउनुपर्छ भन्ने मलाई लाग्छ ।’

प्रदेश सभाको विघटन हुने अवस्था आएमा जोगाउने जिम्मा सभामुखकै हो भन्ने मलाई लाग्छ । बाँकी विषय सर्वोच्चले व्याख्या गर्ला नै, उनको भनाइ थियो ।