मुक्तिनाथको कार्यकारी अधिकृतमा समिर

Avatar आदर्श समाज सम्वाददाता
जेठ १०, २०७६

पोखरा, १० जेठ । मुक्तिनाथ विकास बैंक लि. को नायव प्रमुख कार्यकारी अधिकृतमा समिर शेखर बज्राचार्य नियुक्त भएका छन् ।

त्रिभुवन विश्व विद्यालयबाट एम.बि.ए गरेका बज्राचार्यले यस विकास बैंकमा नियुत्त हुनु अघि गण्डकी विकास बैंक लि.मा नायव प्रमुख कार्यकारी अधिकृतको जिम्मेवारीमा थिए ।

उनको विभिन्न बैंक तथा वित्तीय संस्थाहरुमा करीब १८ वर्षको अनुभव रहेको छ । मुक्तिनाथ विकास बैंक लि.ले देशैभरी ११४ वटा शाखा, २२ वटा ए.टि.एम. र छ लाख ग्राहकहरुलाई विभिन्न किसिमका निक्षेप तथा कर्जा सुविधाहरु, रेमिट्यान्स सेवा, बैकइस्योरेन्स, आस्वा, मोबाइल बैकिंङ्ग सुविधाका साथै देशैभरी भिषा नेटवर्क अन्तर्गत रहेका एटिएमबाट निःशुल्क रकम झिक्न मिल्ने सेवाहरु प्रदान गरेको वताइएको छ ।

हालै मात्र बैंकले क्यान्सर उपचार र दुर्घटना मृत्यु बीमामा आवद्ध गरी जीवन वरदान बचत खाता सञ्चालनमा ल्याएको छ ।स्याङजामा मुख्य कार्यालय रहेको यस बैंकको शुभारम्भ त्यतिवेला तत्कालीन अर्थमन्त्री रामशरण महतले गरेका थिए ।

तपाइको विचार व्यक्त गर्नुहोस्

हाम्रो सुझाव

शुभ सौगात सहकारीको स्वास्थ्य शिविर

विद्युतीय भुक्तानीमा १० प्रतिशत कर फिर्ता

मन्टेसरी एशोसिएसनद्वारा शैक्षिक सामग्री वितरण

बीरेठाँटीमा पशु स्वास्थ्य शिविर

प्रमुख समाचार

पत्रकार महासंघमा तालावन्दी