जनता बैंकको सहयोग

Avatar एजेन्सी
वैशाख २६, २०७६

पोखरा, २५ वैशाख। जनता बैंक पोखरा क्षेत्रीय कार्यालयले पस्र्याङ टोल विकास संस्था तथा पस्र्याङ रातामाटा आमा समूहको संयुक्त भवन निर्माणमा ५० हजार रुपैयाँ आर्थिक सहयोग गरेको छ।

बैंकका पोखरा क्षेत्रीय कार्यालय प्रमुख मदनकुमार मुल्मी तथा जनता बैंक पोखरा शाखाका प्रबन्धक अरुण रानाभाटले आमा समूह अध्यक्ष पवित्रा शर्मा र भवन निर्माण समिति अध्यक्ष डिल्लीराम भट्टराईलाई उक्त रकमको चेक हस्तान्तरण गरे।

कार्यक्रममा मुल्मीले सामाजिक उत्तरदायित्वअन्तर्गत सहयोग रकम प्रदान गर्न पाउँदा खुसी लागेको बताउँदै आगामी दिनहरूमा पनि यसैगरी सहयोग गर्ने बताए।

कार्यक्रममा समाजसेवी वेदनिधि शर्मा, सनातन धर्म सेवा समिति कास्की अध्यक्ष रवीन्द्र माकाजु, निर्माण समिति पदाधिकारी, आमा समूह पदाधिकारी, पस्र्याङ टोल विकास संस्थाका सल्लाहकार लेखनाथ सोती, टेकराज तिमिल्सिना, भोजराज पौडेल, महेन्द्र दाहाल, लेखनाथ पौड्याल निर्माण समिति कोषाध्यक्ष खिम कार्की, आमा समूहका पूर्व अध्यक्ष गोमा सोती लगायत उपस्थित थिए।

भवन निर्माण समिति अध्यक्ष डिल्लीराम भट्टराईको अध्यक्षतामा भएको कार्यक्रमको सञ्चालन सचिव विष्णु अधिकारीले गरेका थिए।

तपाइको विचार व्यक्त गर्नुहोस्

हाम्रो सुझाव

अघौटै अलैंची बाली टिप्न शुरू

सामुदायीक सिकाई केन्द्रको अनुदान ‘दुरुपयोग’

सिलिङ्गे कृषि सहकारीको ११ औं साधारण सभा

धुर्मुस सुन्तली फाउण्डेशनलाई सहयोग

शुभ सौगातमको एघारौं साधारण सभा

प्रमुख समाचार

रुपन्देहीमा गोली चल्यो, १ को मृत्यु