पाल्पा ६ बैशाख । पाल्पाका व्यावसायिक बाख्रा पालक किसानलाई व्यवस्थित गर्न स्थलगत तालिम संचालन गरिएको छ ।

बाख्रामा लाग्ने रोग, पोषण, खोर सुधार, घाँस व्यवस्थापन, नश्लसुधार, आवश्यक खोप र व्यवसायिक बाख्रा पालनलाई आवश्यक पर्ने सीप प्रदान गरिएको छ । नेपाल लाइभस्टक सेक्टर इनोभेसन आयोजनले नेपाल व्यवसायिक बाख्रा पालक महासंघको समन्वयमा पाल्पासंगै प्रदेश नंं. ५ का ६ जिल्लामा यस्तो तालिम संचालनमा ल्याएको हो ।

वरिष्ठ पशु चिकित्सक डा चन्द राना, आयोजनका पुश चिकित्सक लोकराज भुषाल, महासंघका सचिव मुक्तिनाथ पोखरेलले सहजीकरण गरेका थिए । तालिमसंगै हरेक जिल्लामा बाख्रा पालनलाई बृद्धि गदै व्यवसायीहरुको हकहितका लागि जिल्लास्तरीय समिति समेत गठन गरिएको छ ।

नेपाल लाइभस्टक सेक्टर इनोभेसन आयोजन नेपालका २८ जिल्लामा बाख्रा पालन, गाईभैसी पालन र च्याङ्ग्राको पश्मिना उत्पादनमा बृद्धि गर्ने ४ वटा विकेन्द्रिकृत सहयोग इकाई स्थापना गरेर काम गरिहेको बुटवल इकाईका लोकराज भुषालले बताए ।

बुटवल इकाई अन्र्तगत रुपन्देही, नवलपरासी, गुल्मी, अर्घाखाँची, कपिलबस्तु, पाल्पा र बर्दिया जिल्ला रहेका छन् । उत्पादकत्व बृद्धि गदै दुध, खसीबोकाको मासुको आत्मनिर्भरताको साथै पश्मिनाको निर्यात प्रवद्र्धनमा आयोजनाले सहयोग पु¥याउने विश्वास लिएको छ ।

साना तथा मझौला कृषक केन्द्रित आयोजनाको अवधिभरमा पुरक अनुदानको कार्यक्रमबाट ५ सय जना उद्यमीहरु र पशु सेवा प्रसार कार्यक्रमबाट २ लाख कृषक परिवार लाभान्वित हुने अपेक्षा गरिएको छ । आयोजनाले स्थानीय तहको समन्वयमा कृषक समूह, सहकारी र निजीक्षेत्रसंगको सहकार्यमा पशु सेवा क्षेत्रमा नवीनता प्रवद्र्धन तथा पशु सेवा प्रवाहको आधुनिकीकरणमा जोड दिने बताइएको छ ।