मुस्ताङ लैजादै गरेको २०० केजी मासु नष्ट

rss रासस
चैत्र ९, २०७५

पर्वत, ९ चैत । अवैधरुपमा बिक्रीका लागि मुस्ताङको जोमसोम लैजान लागिएको २०० किलोभन्दा बढी कुखुराको मासु नष्ट गरिएको छ ।

कास्कीको पोखरास्थित जिरो किलोमिटरबाट जोमसोम लैजान लागिएको ६ बोरा ब्रोइलर कुखुराको तयारी मासु पर्वतको मोदी गाउँपालिका–६ स्थित पोखरा–बागलुङ सडकको डिमुवा बजारबाट बरामद गरिएको जिल्ला प्रहरी कार्यालयले जनाएको छ ।

कास्कीमा बर्डफ्लुको सङ्क्रमण फैलिएका बेला बिना परीक्षण र बिना बिल भर्पाइ ना६ख ७१८० नं को बसमा राखेर लगिँदै थियो । सो मासु मोदी गाउँपालिकाका अध्यक्ष प्रेम पौडेल, प्रमुख प्रशासकीय अधिकृत कुमानसिंह गुरुङ र स्थानीय प्रहरीचौकीका इञ्चार्ज कृष्णबहादुर नेपालीको रोहवरमा नष्ट गरिएको छ ।

मकवानपुर, चितवन, काठमाण्डौ, कास्कीलगायत जिल्लामा बर्डफ्लु भेटिएपछि पर्वतलगायत धौलागिरि क्षेत्रमा कुखुरा आयातमा प्रतिबन्ध लगाइएको छ । सङ्क्रमणबाट जोगाउन कुखुरा आयातमा प्रतिबन्ध लगाइएको पर्वतका प्रमुख जिल्ला अधिकारी गुरुदत्त ढकालले जानकारी दिए ।

तपाइको विचार व्यक्त गर्नुहोस्

हाम्रो सुझाव

दीगो विकासमा पानीको महत्व

४५ अर्ब बराबरको औषधि कारोवार

संचारकर्मीको धर्ना कायमै

पोखराका तीन स्थानमा बम भेटियो, सैनिक नायक घाइते

प्रमुख समाचार

दीगो विकासमा पानीको महत्व

थप प्रमुख समाचार

संचारकर्मी गिरी साधारण तारेखमा रिहा

४५ अर्ब बराबरको औषधि कारोवार