‘चञ्चल’ को परदेशी रुवाउने गीत

एजेन्सी
फागुन ७, २०७५
aama

‘बिदाइको दिन आँसुले आँखा भिजेको पाएथेँ

वर्षौ पहिले आमालाई छाडी परदेश आएथेँ

परदेशी हुँदा आमाको आँसु, पुछ्न नि पाइएन

आमाले धरती छाडेर गइन्, मुख देख्नै पाइएन ।’

पोखरा, ६ फागुन। परदेशीहरुको यस्तो मार्मिक पीडा बोकेको गीत युट्युबाट सार्वजनिक भएको छ । गीतकार तथा पत्रकार शिव शर्मा चञ्चलको रचना रहेको गीत म्यूजिक नेपालको युट्युब च्यानलबाट सार्वजनिक भएको छ ।

साता अघि यो गीत गीतकार शर्माले आफ्नी दिवंगत आमा जमुनाकुमारी भट्टराईको वार्षिक पुण्यतिथिमा अमेरिकास्थित टेक्ससमा एक कार्यक्रम आयोजना गरी सहभागीमाझ सार्वजनिक गरेका थिए ।

परदेशमा रहँदा घरपरिवारका सदस्य गुमाउँदाको पीडादेखि स्वदेशको मायालाई समेत गीतमा वास्तविक ढंगले उतारिएको छ ।

गोविन्द मधुर आचार्यले स्वर दिएको गीतमा उनलाई महिला आवाजमा गायिका वसन्ता प्रकृतिले साथ दिएकी छिन् । गीतको संगीत संयोजन र एरेन्ज स्वयं गायक आचार्यले गरेका हुन् ।

गीतलाई युएस खबर डटकमका संचालक किसन रेग्मीले निर्माणमा सहयोग गरेका हुन् । गीतको म्यूजिक भिडियो शिव पुरीले निर्देशन तथा सम्पादन गरेका छन् । रामेश्वर कार्कीको छायांकन रहेको गीतमा आमाको भूमिकामा कलाकार अञ्जु देउजा, राजाकुमार घोष, रेगन क्षेत्री र हरि दवाडीले अभिनय गरेका छन् । वरिष्ठ चलचित्र निर्देशक नारायण पुरीको अवधारणा अनुरुप नै गीतको भीडियो निर्माण भएको हो । परदेशीको छोरो र गाउ“मा एक्लै बसेकी आमाको कथा बोकेको गीतले समग्र विदेशमा बसिरहेका परदेशीले घरपरिवारबाट टाढा हुँदा भोग्नुपरेका समस्या गीतमार्फत पस्किएको छ ।

Related News

सम्बन्धित समाचार

  • ‘केपी ओली’ नामक भिडियो सार्वजनिक

    आदर्श समाज सम्वाददाता कार्तिक २२, २०७९
    पोखरा, २२ कात्तिक । राष्ट्रिय युवा संघ नेपाल गण्डकी प्रदेश सहसंयोजक विकास अधिकारीले चुनाव केन्द्रित ‘केपी ओली’ नामक गीति भिडियो…
  • लेखक संघ गण्डकीमा ईश्वरमणि अधिकारी

    आदर्श समाज सम्वाददाता कार्तिक २०, २०७९
    पोखरा ।  नेपाली लेखक संघ गण्डकी प्रदेशको प्रथम अधिवेशन तथा गण्डकी काव्य गोष्ठी सम्पन्न भएको छ । अधिवेशनले डा. ईश्वरमणि…
  • मुकुन्दशरणलाई माधव वियोगी पुरस्कार

    आदर्श समाज सम्वाददाता कार्तिक २०, २०७९
    पोखरा । पोखरेली स्रष्टा छन्दनायक एवं महाकाव्यकार माधव वियोगीको नाममा स्थापित माधव वियोगी साहित्य पुरस्कार कविवर मुकुन्दशरण उपाध्यायलाई प्रदान गरिने…
  • गण्डकी बहुप्राविधिक शिक्षालयमा वादविवाद सम्पन्न

    आदर्श समाज सम्वाददाता कार्तिक १७, २०७९
    पोखरा । गण्डकी बहुप्राविधिक शिक्षालय, भण्डारढिकमा वादविवाद प्रतियोगिता सम्पन्न भएको छ । ‘सामाजिक सञ्जाल अभिशाप नभई वरदान’ शीर्षकमा सो वादविवाद…
  • तमु कलाकारलाई नौमती बाजा सहयोग

    आदर्श समाज सम्वाददाता कार्तिक १४, २०७९
    पोखरा, १४ कात्तिक । तमु कलाकार संघ नेपाल, गण्डकीलाई नौमती बाजा सहयोग प्राप्त भएको छ । समाजसेवी तथा लोकसंस्कृतिप्रेमी तेजबहादुर गुरुङको…

hero news full width

Recent Posts

भर्खरै

trending post

ट्रेन्डिङ्ग