माछापुच्छ्रे भेट्रान्स टेनिस

Avatar आदर्श समाज सम्वाददाता
पौष १३, २०७५

पोखरा, १२ पुस । पोखरेली भेट्रान्स राजु गुरुङ र राजु श्रेष्ठको जोडी १६ औं माछापुच्छ्रे बैंक पोखरा ओपन भेट्रान्स टेनिसको सेमिफाइनल प्रवेश गरेको छ।

राजेन्द्रसिंह भण्डारी र करिमुल्ला मुस्लिमको जोडीमाथि ७–५, ५–७ र सुपरटाईमा १०–६ को कठिन नजिता निकाल्दै सो जोडी अन्तिम ४ मा पुगेको हो ।

सोही उमेर समूहका अन्य खेलमा जबमु शेर्पा र नरेन्द्र सिंहको जोडीले छ्याम्बा ढुन्डुप र ड्युनम लामाको जोडीलाई ६–१, ६–३ ले पराजित गर्यो।

५५ वर्षमाथि एकलतर्फ प्रदीप शाहले करिमुल्ला मुस्लिमलाई ६–०, ६–२, अनिल तुलाचनले नरेन्द्र सिंहलाई ६–३, ६–० ले, राजकुमार गुरुङले छ्याम्बा ढुण्डुपलाई ६–३, ६–२ र समिर शेरचनले विष्णुप्रसाद गैहे्रलाई ७–५, ६–२ ले पराजित गर्दै सेमिफाइनलमा प्रवेश गरे।

३५ वर्षमाथि एकलमा छेवाङ लामाले गोपीबहादुर भट्टराईलाई ६–०, ६–१, महेश श्रेष्ठले नीरज थापालाई ६–४, ६–०, राजु श्रेष्ठले नवीन श्रेष्ठलाई ६–०, ६–२ ले पराजित गरे।

३५ वर्षमाथि डबल्समा कमल भण्डारी र सिमान्त गुरुङको जोडीले राजु श्रेष्ठ र छेवाङ लामाको जोडीलाई ६–०, ६–३, महेश श्रेष्ठ र राजु क्षेत्रीको जोडीले गोपीबहादुर भट्टराई र शरण गुरुङ जोडीलाई ६–२,७–५ पराजित गर्यो।

६५ वर्षमाथि एकलमा मे. लक्ष्मीप्रसाद गुरुङले क्षेतन नोकेर्लमाथि २–४, ४–२ र सुपरटाईमा १२–१० को संघर्षपूर्ण जित निकालेको प्रतियोगिता संयोजक कुमार अधिकारीले बताए ।

प्रमुख समाचार

हिउँ पन्छाउन नेताहरू बीच होड