लक्ष्मी ग्रुपको ‘कपोर्रेट डे’मा रक्तदान

Avatar आदर्श समाज सम्वाददाता
पौष ६, २०७५

पोखरा, ५ पुस । पोखराको प्रतिष्ठित लक्ष्मी ग्रुपले आफ्नो ४५ औं कपोर्रेट डे रक्तदान कार्यक्रम गरी मनाएको छ ।

रक्त संचार केन्द्रको प्राविधिक सहयोगमा भएको सो कार्यक्रममा १ सय १६ यूनिट रगत संक्लन गरिएको जनाइएको छ ।

२०३० सालमा लक्ष्मी मिर्ठाई भण्डारबाट शुभारम्भ गरी विभिन्न भातृसंस्थाबाट सेवा प्रदान गर्दै आएको संस्थाले सामाजिक कार्यहरु शिक्षा, स्वास्थ्य, खेलकुद साथै धार्मिक क्षेत्रमा पनि उत्तिकै योगदान गर्दै आएको छ।

गत वर्ष कपोर्रेट डे अवसरमा विन्ध्यवासिनी मन्दिरमा अशक्त असहायलाई दर्शन गर्न सहजहोस् भन्ने अभ्रि्रायले लिफ्ट बनाउने प्रतिवद्धता व्यक्त गरेबमोजिम हाल लिफ्ट निर्माण अन्तिम चरणमा पुगेको लक्ष्मी ग्रुपका कार्यकारिणी निर्देशक सुनिल श्रेष्ठले जनाए ।

यसैबीच, लक्ष्मी ग्रुपअन्तर्गत भातृसंस्थामा १० देखि १५ वर्ष अनवरत रुपमा योगदान दिने कर्मचारीहरुलाई मायाको चिनोसहित सम्मान गरिएको थियो।

ग्रुपका कार्यकारिणी निर्देशक सुनिल श्रेष्ठले लक्ष्मी ग्रुप आज जुन अवस्थामा छ, सबैको मेहनत र लगनशीलताबाट पुग्न सफल भएको बताउँदै सम्पूर्णप्रति हार्दिक आभार व्यक्त गरे ।

कार्यक्रम लक्ष्मी ग्रुप मानव संसाधन प्रमुख श्याम मल्लले संचालन गरेका थिए।

हाम्रो सुझाव

पोखरा फाइनान्सको वार्षिकोत्सवमा ५१ युनिट रगत संकलन

उर्जा बचतको लागि अनुदानको व्यवस्था

प्रमुख समाचार

महानगर होर्डिङ बोर्ड हटाउँदै

थप प्रमुख समाचार

महानगर होर्डिङ बोर्ड हटाउँदै

पाइलट सहित दुई घाइते