विदेशी पर्यटकलाई भाइटीका

आदर्श समाज सम्वाददाता
कार्तिक २५, २०७५
20181109_160402

पोखरा, २४ कात्तिक । नेपाली संस्कृतिको संरक्षण गर्दै पर्यटनको प्रवर्द्धन गर्ने उद्देश्यले पश्चिमाञ्चल होटल संघ पोखराले तिहारको दिन पोखरामा १२ औं भाइटीका महोत्सव गरेको छ।

महोत्सव अवसरमा लेकसाइडको रेन्वो चिल्ड्रेन होमका छात्राहरुले विभिन्न १० देशका ६० जना पर्यटकलाई टीका लगाइदिएर भाइटीका महोत्सव मनाए।

नेपाली परम्परा अनुसार पर्यटकलाई तिहारको टीका लगाउने, देउसी भैलो खेल्ने र सेलरोटी लगायत अन्य परिकार खाने खुवाउने कार्यक्रम महोत्सवअन्तर्गत समेटिएको थियो।

गत वर्षको ११ औं भाइटीका महोत्सवमा १३ देशका ३५ पर्यटकले टीकामा सहभागिता जनाएको संघका पूर्व अध्यक्ष गोविन्दराज पहारीले जानकारी दिए।

स्वदेशी तथा विदेशी पर्यटकमाझ आपसी भाइचाराको अभिवृद्धि गर्ने र राष्ट्रिय तथा अन्तर्राष्ट्रिय स्तरमा नेपाली संस्कृतिलाई पहिचान प्रदान गर्ने उद्देश्य समेत महोत्सवको रहेको आयोजक संस्थाका अध्यक्ष विकल तुलाचनले जानकारी दिए।

भाइटीका महोत्सवको निरन्तरतासँगै पछिल्ला वर्षमा पर्यटकहरु दोहोर्‍याएर समेत टीका लगाउन पोखरा आउन थालेका छन्।

भाइटीका महोत्सव पर्यटकका लागि नयाँ पर्यटकीय प्रोडक्ट समेत बन्न थालेको महोत्सवका संयोजक पार्वती पाण्डेले जानकारी दिइन्।

महोत्सव लेकसाइडस्थित बटरफ्लाई चाइल्ड केयर सेन्टरमा आयोजना गरिएको थियो।

Related News

सम्बन्धित समाचार

  • कल्याण शेरचनको जन्मजयन्तीमा दोहोरी

    आदर्श समाज सम्वाददाता असार २३, २०७९
    पोखरा । कल्याण शेरचन स्मृति प्रतिष्ठान नेपालको आयोजनामा पोखरामा राष्ट्रिय खुला दोहोरीगीत प्रतियोगिता हुने भएको छ । लोक स्रष्टा, साधक…
  • पोखराको सरकारी जग्गा विवाद : ठेक्का रद्ध गर्ने तयारी

    आदर्श समाज सम्वाददाता असार २३, २०७९
    पोखरा । कार्यकाल आखिरीमा तत्कालीन पोखरा उपत्यका नगर विकास समिति अध्यक्ष तथा महानगरका मेयर मानबहादुर जिसीले एक्लै निर्णय गरेर निजी…
  • बसपार्क हस्तान्तरण

    आदर्श समाज सम्वाददाता असार २३, २०७९
    पोखरा । नवनिर्मित पर्यटक बसपार्क पोखरा उपत्यका नगर विकास समितिलाई हस्तान्तरण गरिएको छ । संस्कृति, पर्यटन तथा नागरिक उड्डयन मन्त्रालयमा…
  • महिला उद्यमीले सिकायो च्याउ खेती

    आदर्श समाज सम्वाददाता असार २२, २०७९
    पोखरा । महिला उद्यमी संघ र हिमाली पवित्र आमा समूहको संयुक्त आयोजनामा सिताके च्याउ तथा कुरिलो व्यावसायिक खेती तालिम भएको…
  • आँखा शिविरमा २१५ को परीक्षण

    आदर्श समाज सम्वाददाता असार २२, २०७९
    पोखरा । नेपाल रेडक्रस सोसाइटी पोखरा–१० उपशाखा र लायन्स क्लब अफ पोखरा भैरवको संयुक्त आयोजनामा रामबजार ज्येष्ठ नागरिक मिलन केन्द्रमा…

hero news full width