पोखरा । एमाले गण्डकी प्रदेश संसदीय दलका प्रमुख सचेतक गोविन्दबहादुर नेपाली चढेको ग१झ ४५१ नम्बरको गाडी बुधबार बिहानै चेकिङमा पर्यो । चेकिङमा पर्नुका कारण सार्वजनिक बिदाको दिन चलाइएकाले भने होइन । उक्त गडाीबाट निस्कने धुँवाको प्रदूषण नापजाँजका लागि रोकिएको थियो ।
यातायात व्यवस्था कार्यालय सवारी कास्की र जिल्ला ट्राफिक प्रहरी कार्यालय कास्कीको संयुक्त आयोजनामा प्रदूषण मापनयन्त्रबाट जाँच गर्दा उक्त गाडीको धुवाँको प्रदुषण ३० ओपासिटीभन्दा कम भेटियो । जसले गर्दा यो सवारी पास भयो । बुधबार नै परीक्षा बोर्ड कार्यालयको सरकारी गाडीको प्रदूषण जाँच गर्दा पास भयो ।
यातायात व्यवस्था कार्यालयका अनुसार प्रदूषण मापन गर्दा ३० ओपासिटीभन्दा कमलाई राम्रो मानिन्छ । त्यस्तो भेटिए सवारी पास हुन्छ । सोही अनुसार डिजेलबाट चल्ने सवारीको धुँवाको प्रदूषण जाँच गरिएको यातायात व्यवस्था कार्यालय, सवारी कास्की प्रमुख डिल्लीराम रिज्यालले बताए । ३५ गाडी जाँच गर्दा ३० फेल भएको उनले बताए । ‘२ वटा सरकारी नम्बर प्लेटका गाडी जाँच गरेकोमा २ वटै पास भए । निजी ५ टेस्ट गरेकामा ३ मात्र पास भए,’ उनले भने, ‘धेरै सार्वजनिक सवारी फेल भएका छन् । सबै गरेर ३५ वटा टेस्ट गरिएकोमा ३० वटा मात्र पास भएका थिए ।’
सार्वजनिक तथा निजी सवारीसाधनले वातावरण नै प्रदूषित बनाउने गरी कालो धुँवा उडाउँदै हुइँकिने गरेकोे उनले बताए । कालो धुँवा उडाउँदै गुड्ने गाडी कारबाही गर्न पटकपटक आवाज उठिरहन्छ तर सरकारी निकायबाटै मनोमानी हुँदा नागरिकको स्वास्थ्यमाथि गम्भीर खेलवाड भइरहेको सरोकारवाला बताउँछन् । वन विज्ञान अध्यन संस्थान, पोखराका क्याम्पस प्रमुख विनोद हेजुले गाडीबाट निस्कने धुँवाले वातावरण प्रदूषण बढाउनुका साथै मावनस्वास्थ्यमा नकारात्मक असर पार्ने बताए । उनका अनुसार तत्काल रुघाखोकी, आँखा चिलाउने, टन्सिल, एलर्जी लगायत समस्या देखा पर्छ । दीर्घकालमा मुटुसम्बन्धी रोग देखा पर्ने, हृदयघात, फोक्सो, स्वासप्रश्वासमा समस्या देखिन्छ ।
यस्ता गाडी कारबाही गर्न पटकपटक आवाज उठिरहे पनि कार्यान्वयन फितलो
पोखरा पर्यटनको राजधानी भएकाले पनि यसबारे सोच्नुपर्ने बेला आएको उनको भनाइ थियो । ‘सहरीकरण बढ्दै जाने अनि सवारीको संख्या पनि बढ्दै जाँदा पछि जलवायु परिवर्तनका लागि कार्वन बढाउँछ,’ उनले भने, ‘पोखरामा यो विषयमा अहिलेसम्म सोचिएको छैन तर सोच्नुपर्ने बेला आएको छ ।’
बजार क्षेत्रमा चल्ने अधिकांश सवारी फेल हुने अवस्था देखिएकाले आगामी वर्षमा जाँचपास गर्दा प्रदूषण जाँज अनिवार्य गर्ने योजना बनाएको यातायात प्रमुख रिज्यालले बनाए । यसका लागि प्राविधिक जनशक्ति, जाँच गर्ने स्थान र यन्त्र व्यवस्थापनमा चुनौती रहेको उनको भनाइ थियो । उनका अनुसार पोखरामा मात्र अहिलेसम्म निजी सार्वजनिक गरेर ३ लाख ५२ हजार गाडी दर्ता छन् । बाहिर दर्ता भएका पोखरामा चल्ने र यहाँ दर्ता भएर बाहिर जाने गरी करिब ३ लाख गाडी दैनिक पोखरामा गुड्ने सरकारी तथ्यांक छ ।
बुधबार गरेको मापनमा अधिकांश गाडी नियमित सर्भिसिङ नगरेकै कारण कालो धुँवा फाल्ने गरेको पाइएको छ । रिज्यालले भने, ‘त्यस सवारीसाधनको कागजपत्र लिएर सर्भिसिङ गरेर ठिक बनाएर आउन निर्देशन दिएका छौं । एउटै गाडीले पटक–पटक गल्ती दोहो¥यायो भने जफतसमेत गर्ने चेतावनी दिएका छौं ।’
सवारी प्रदूषण जाँचपास नेपालमा अनिवार्य नभए पनि वन तथा वातावरण मन्त्रालय, वातावरण विभागले यसको नियमन गर्ने गरेको छ । गत वर्ष ८ मंसिरमा विभागले सूचनाले यो स्पष्ट हुन्छ । उक्त सूचनामा वायु प्रदूषण रोक्न धेरै धुवाँ फाल्ने सवारीसाधनलाई कारबाही गर्ने उल्लेख थियो । गत वर्ष १ पुसपछि विभागको परीक्षणमा प्रदूषण जाँच पास हुन नसक्ने सवारीसाधन वातावरण संरक्षण ऐन, २०७६ को दफा ४१(२) बमोजिम १ लाखसम्म जरिवाना हुने उल्लेख छ । यो नियम राजधानी काठमाडौंमा कार्यान्वयन भए पनि अन्य ठाउँमा प्रभाव परेको पाइँदैन ।
Related News
सम्बन्धित समाचार
सराङकोटमा सहिद स्मृति भवन निर्माण
पोखराका स्पामा बालिकालाई लगाइन्छ यौनजन्य कार्यमा, ६ जनाको उद्धार
बलात्कार मुद्दामा सन्दीप लामिछानेले पाए सफाइ
पोखरामा फोहोरबाट रोजगारी सिर्जनाका लागि कोरियाको ९८ लाख अमेरिकी डलर सहयोग
व्यास नगरपालिकामा मेयर चुनावको पुन मतगणना गर्न आदेश
hero news full width
मुख्य समाचार
पोखरामा बुद्ध जयन्तीको सप्ताहव्यापी कार्यक्रम
जिबी राईको राहदानी रद्द भएन
जेठ १, २०८१पोखराको प्राइम सहकारी पनि समस्याग्रस्त, डेढ अर्ब हिनामिना
जेठ १, २०८१सरकारको आगामी आर्थिक वर्ष २०८०/८१ को नीति तथा कार्यक्रम (पूर्णपाठ)
जेठ १, २०८१राष्ट्रपतिबाट सरकारको नीति तथा कार्यक्रम प्रस्तुत
जेठ १, २०८१लोकतान्त्रिक आन्दोलनका जिउँदा सहिद खगेन्द्र सर
जेठ १, २०८१