पोखरामा बुद्ध जयन्तीको सप्ताहव्यापी कार्यक्रम

आदर्श समाज सम्वाददाता
जेठ २, २०८१
Buddha Jayanti Photo

पोखरा । पोखरामा वि.सं २०१० को दशकदेखि ‘बुद्ध जयन्ती’ मनाउन थालियो । २०५० सालसम्ममा पोखरामा बौद्धमार्गीहरूको संख्या बाक्लियो । उनीहरूले छुट्टाछुट्टै स्थानमा कार्यक्रम गर्न थाले । त्यसपछि बुद्ध जयन्तीलाई एकरुपता दिनका विभिन्न जनजाति बौद्धमार्गीहरूलाई समेटेर २०६० को दशकदेखि सामूहिकरुपमा जयन्ती मनाउन सुरु गरियो ।

त्यो समयमा सबैलाई समेट्नका लागि बुद्ध जयन्ती समारोह समिति गठन गरिएको थियो । हरेक वर्ष यही समितिले सामूहिक रुपमा विभिन्न कार्यक्रम गर्दै आएको छ । यो वर्ष पनि २५६८ औं बुद्ध जयन्ती समारोह समितिले सप्ताहव्यापीरुपमा यो जयन्ती मनाउने भएको छ ।

समितिले मंगलबार पत्रकार सम्मेलन गरी जेठ ३ गतेदेखि १० गतेसम्म विभिन्न कार्यक्रम गर्ने जानकारी दिएको हो । पदयात्रा, साइकल ¥याली, प्राणदान, भोजनदान, गणचक्र पूजा, नाटक प्रदर्शन, सम्मानलगायत विभिन्न कार्यक्रम गरिने समितिका अध्यक्ष चन्द्रप्रसाद गुरुङले जानकारी दिए ।

बुद्ध धर्मको प्रचारप्रसार र संवद्र्धन गर्न योगदान दिनेहरूलाई २०६० सालदेखि नै संस्थाले सम्मान गर्दै आएको छ

जेठ १० गते बुद्ध जयन्तीको दिन शान्ति ¥यालीसहित सभागृहचोकमा मूल समारोह गरिने उनले बताए । त्यसदिन धर्मशिला बुद्ध बिहारबाट सुरु भएको शान्ति ¥याली पालिखेचोक, चिप्लेढुंगा, सिद्धार्थचोक, बगालेटोल, सिमलचौर, सिर्जनाचोक, सभागृहचोक हुँदै सभागृह हलमा पुगेर मूल समारोहमा परिणत हुने उनको भनाइ थियो । त्यहाँ ज्ञानमाला भजन, सांस्कृतिक कार्यक्रम, नाटक प्रदर्शन, सम्मानलयायत विभिन्न कार्यक्रम हुने उनले बताए । सोही दिन पूजा संकलन, शील प्रार्थना, बुद्ध पूजा, दीप प्रज्ज्वलन, भैषज्य पूजा पनि गरिने उनले सुनाए ।

सोही कार्यक्रममा बुद्ध धर्मको प्रचारप्रसार र संवद्र्धनमा योगदान पु¥याउने व्यक्तिलाई सम्मान अर्पण गरिने समितिकी महासचिव बालकुमारी गुरुङले जानकारी दिइन् । यो पटकको सम्मान तिब्बतीयन क्याम्प, पृथ्वीचोकका प्रमुख छिरिङ सिटेनलाई अर्पण गर्न लागिएको छ । ‘२०६० सालदेखि नै हामीले बुद्ध जयन्ती मनाउने क्रममा बुद्ध धर्मको प्रचारप्रसार र संवद्र्धन गर्न योगदान दिनेहरूलाई सम्मान गर्दै आएका छौं । अहिलेसम्म २२ जना सम्मानित भइसक्नुभएको छ,’ उनले भनिन्, ‘गत वर्ष नरेन्द्र लालचन र तिलकुमारी ह्याल्मोलाई सम्मान गरेका थियौं । यो वर्ष छिरिङ सिटेनलाई सम्मान गर्दै छौं ।’ सिटेनले लामो समयदेखि क्याम्पमा बसेर विद्यार्थीहरूलाई बुद्ध शिक्षाको ज्ञान दिँदै आएको उनले सुनाइन् ।

जेठ ३ गते पहिलो दिन शुभारम्भ र साइकल ¥याली गरिने समितिका अध्यक्ष गुरुङले जानकारी दिए । कनिङ घेछेलिङ गुम्बा दीपबाट सुरु भएको साइकल ¥याली विश्व शान्ति स्तुपा अनदुमा पुगेर समापन हुनेछ । दोस्रो दिन जेठ ४ गते बेगनास तालमा माछाको भुरा छाडेर प्राणदान, नेपाल मगर संघमा धर्म देशना र सुखावती बौद्ध गुम्बा गाईघाटमा बुद्ध पूजा र धर्म देशना गरिनेछ ।

जेठ ५ गते टुटुंगाको आरोग्य आश्रममा भोजन दान, निशुल्क स्वास्थ्य शिविर, वृद्धाश्रममा भोजन, गणचक्र पूजा, ध्यान शिविर हुनेछ । जेठ ६ गते पनि प्राण दान, गणचक्र पूजा र आर्थिक सहयोग गरिनेछ ।

जेठ ७ गते भिक्षु शुभद्र स्मृति सभा, रक्तदान, धर्मदेशना कार्यक्रम गरिनेछ । ८ जेठमा बौद्ध आचार्य खेम्पो शिर लामाबाट धर्मदेशना, खाद्यान्न र लत्ताकपडा सहयोग र सरसफाइसँगै वृक्षरोपण कार्यक्रम हुनेछ । ९ गते प्रभातफेरी, रथ सजावट, सरसफाइ, प्राणदान र खेम्पो लामा फोन्छोकबाट धर्मदेशनाको कार्यक्रम तय गरिएको उनले बताए ।
समितिका कोषाध्यक्ष गोविन्द ताम्राकारले बुद्ध पूर्णिमाको दिन भगवान् गौतम बुद्धको तस्बिर तथा बौद्ध झण्डा सडकमा सजाएर राख्न आग्रह गरेका छन् । विदेशीहरूमा बुद्ध धर्मप्रति आस्था बढिरहँदा नेपालीमा सोचेजस्तो चासो नबढेकोमा उनको चिन्ता थियो । बुद्ध धर्मको प्रचारप्रसारमा हरेक नेपाली सजग हुनुपर्नेमा उनले जोड दिए ।

Related News

सम्बन्धित समाचार

  • गण्डकीमा बजेटको सिद्धान्त र प्राथमिकता आज

    आदर्श समाज सम्वाददाता जेठ १७, २०८१
    पोखरा । गण्डकी प्रदेशमा नयाँ मुख्यमन्त्री नियुक्ति भएलगत्तै प्रदेश सभाको बैठक आज बस्ने भएको छ । प्रदेश सभा सचिवाललयले सूचना…
  • पोखरा मुग्लिन सडक विस्तार- पोखरा खण्डमा पिचको तयारी

    आदर्श समाज सम्वाददाता जेठ १७, २०८१
    पोखरा । निर्माणाधीन पोखरा मुग्लिन सडक विस्तार परियोजनाको पोखरा खण्डमा पिचको तयारी गरिएको छ । पछिल्लो समय तीव्रताका साथ काम…
  • ५२ दिनपछि पाण्डेको ‘कमब्याक’

    आदर्श समाज सम्वाददाता जेठ १७, २०८१
    पोखरा । नेपाली कांग्रेस गण्डकी प्रदेश संसदीय दलका नेता सुरेन्द्रराज पाण्डे ५२ दिनपछि गण्डकीको मुख्यमन्त्रीमा फर्किएका छन् । सर्वोच्च अदालतले…
  • प्रदेशका मन्त्रीले क्वाटरमै बुझे ५० लाख घुस !

    आदर्श समाज सम्वाददाता जेठ १६, २०८१
    गण्डकी प्रदेशका एक मन्त्रीले पदमा बहाल रहेकै बेला निवासमै बोलाएर बहुवर्षे योजनाका लागि ५० लाख रुपैयाँ बुझेको, बाँकी १० लाख…
  • रविचन्द्रलाई अन्नपूर्ण पर्यटन पुरस्कार

    आदर्श समाज सम्वाददाता जेठ १६, २०८१
    पोखरा । अन्नपूर्ण सेन्चुरी पर्यटन समितिद्वारा सञ्चालित यस वर्षको अन्नपूर्ण पर्यटन पत्रकारिता पुरस्कार–२०८१ रविचन्द्र पराजुलीलाई प्रदान गरिने भएको छ ।…

hero news full width

trending post

ट्रेन्डिङ्ग