पोखरा  । स्थापना दिवसको अवसर पारी राष्ट्रिय युवा संघ नेपाल अन्नपूर्ण गाउँपालिकाले हेमजास्थित मानव सेवा आश्रममा खाद्य सामग्री सहयोग गरेको छ ।

त्यस अवसरमा अन्नपूर्ण गाउँपालिका अध्यक्ष समेत रहेका नेकपा (एमाले) गण्डकी प्रदेश सदस्य विष्णुबहादुर केसीले संघले मानवीय सेवा जस्तो पवित्र तथा परोपकारी कार्य गरेकोमा खुसी व्यक्त गरे ।

उनले आगामी दिनमा पनि यस्तै सिर्जनशील कार्यलाई संघले निरन्तरता दिनुपर्ने बताए । युवा संघ नेपालका पूर्व केन्द्रीय उपाध्यक्ष माधव बास्तोलाले युवा संघले सदैव सामाजिक रुपान्तरणको आन्दोलनको अगुवाइ गर्दै आइरहेको दाबी गर्दै अबका दिनमा यस्तै सामाजिक कार्यहरु सँग जोडिन आवश्यक रहेको जनाए ।

त्यस अवसरमा युवा संघ कास्की अध्यक्ष पानबहादुर जिसी, नेकपा एमाले गण्डकी सदस्य भरतमान गुरुङ, नेताहरु बिष्णुबहादुर खत्री, हरि लम्साल, सरस्वती पुरी, नमराज केसी, विष्णु भुगाईं, नेत्रप्रसाद सुवेदी, कर्णसिंह गुरुङ, कमला केसी, दिलमाया सुनार, हरिमाया देवकोटा दाहाल, कविता लामगादे, मञ्जु जिसी, महेश्वर पौडेल, अमर केसी लगायत सहयोगमा सहजीकरण गरे ।

कार्यक्रमका बीच २५ हजार रुपैयाँ बराबरका चिउरा, भुजा, बिस्कुट, दालमोठ लगायतका खाद्य सामग्री प्रदान गरिएको हो । युवा संघ अन्नपूर्ण अध्यक्ष शिवहरी सुवेदीको अध्यक्षतामा भएको उक्त कार्यक्रम युवा संघका नेता भुपाल घर्तीले सञ्चालन गरे ।