पोखरा । नेकपा एमाले अध्यक्ष केपी शर्मा ओलीले पार्टीमा २० वर्षजति अरू कसैले आश नगरे पनि हुने बताएका छन् । उनले एमाले र देश ठिक बाटोमा बढाएपछि मात्रै चौतारीमा बसेर सुस्केरा हाल्ने समय पाउने बताए ।
एमाले कास्कीको ११ औं जिल्ला अधिवेशनबाट नवनिर्वाचित कार्यसमितिका पदाधिकारी र सदस्यलाई शुक्रबार पद तथा गोपनीयताको सपथ ग्रहणमा पूर्व प्रधानमन्त्री समेत रहेका ओलीले अझै २० वर्ष आफूले नेतृत्व लिने बताएका हुन् ।
‘कसैले एमालेबिनाको नेपाल भने कठै बरै, माया लाग्छ एमालेबिनाको नेपाल । कसैले केपी ओलीबिनाको एमाले भने दया लागेर आउँछ,’ उनले भने, ‘केपी ओली नभइदिएको भए यसो गर्छु, उसो गर्छु भन्ने लाग्या होला । मैले पोहोरपरार भनेको थिएँ, जुँगा कालाकाला भएका छन् । मेरो सबै कपाल झरेको थियो । अहिले कपाल पलाउन थालेको छ । रोपेको होइन, आफैँ पलाउन थालेको छ ।’
उनले अध्यक्ष पद छाडेपछि मागेको सहयोग दिएर नयाँ नेतृत्वलाई काम गर्न दिने उनको भनाइ थियो । ‘हाम्रो पार्टीमा एउटा गलत पारिपाटी चलाइएछ, पूर्व पार्टी प्रमुख स्वतः वरिष्ठ नेता हुन्छ र अध्यक्षकै छेउमा बस्छ । मैले अहिले नै भन्छु, मैले पार्टी अध्यक्ष छाडेपछि नयाँ अध्यक्षको छेउमा बसेर यो पनि चाहियो, त्यो पनि चाहियो गर्दिनँ,’ उनले भने, ‘मागेको सहयोग दिने हो । मेरो हैसियत यो हो भनेर त्यहाँ लड्न जाने होइन । अर्काले अध्यक्ष पाएपछि मज्जाले काम गर्न पाउनुपर्छ । काम गर्न दिनुपर्छ ।’
उनले अहिलेको गठबन्धनलाई राजनीतिक समीकरणको संज्ञा दिए । ‘देश नेपालीले नै चलाउनुपर्छ भन्ने मान्यता स्थापित गर्न पनि हामीले गठबन्धन तोड्नैपर्ने भयो । अहिले हामीले बनाएको गठबन्धन होइन यो राजनीतिक समीकरण हो,’ ओलीले भने, ‘गठबन्धन नीतिहीन थियो । एमाले विरोधी अनि देशविरोधी थियो । एमाले नयाँ समीकरणको संघारमा छ ।’
अहिले हामीले बनाएको गठबन्धन होइन् यो राजनीतिक समीकरण हो
नयाँ समीकरणमा एमाले सफलतापूर्वक अगाडि बढेको उनले बताए । ‘पार्टीको आ–आफ्नो नीति र उद्देश्य छ । ती नीति र उद्देश्य नछोडिकन अहिलेका सरकारमा सँगै बसेर राष्ट्रिय शक्ति निर्माण गर्नुपर्ने, सुशासन र विकासको बाटोमा आउनुपर्ने त्यो अभिभारा अगाडि आयो र हामीले कदम चालेका छौं,’ उनले भने, ‘हामी सफलतापूर्वक आगाडि बढेका छौं ।’
अघिल्लो गठबन्धन निकम्मा र भ्रष्ट भएको आरोप उनले लगाए । ओलीले भने, ‘दक्षिणपन्थी, निकम्मा, भ्रष्ट गठबन्धन देशका लागि दुर्भाग्य थियो । एमालेको सरकार ढालेपछि देश ओरालो लागेको लागै थियो, त्यस सरकारलाई हटाउनै पर्ने भयो । हटायौं ।’
वर्तमान सत्ता समीकरणमा सँगै रहेका आफ्ना पूर्व सहकर्मी एवं एकीकृत समाजवादी अध्यक्ष माधव नेपाल र नेता झलनाथ खनालको पनि आलोचना गरेका थिए । उनीहरुले एमालेको नेतृत्व गरेर पनि मैले केही पाइन र यो चाहियो ऊ चाहियो भनेको टिप्पणी गरे । उनले भने, ‘कसैलाई पदमा पुगेपछि घमण्ड पलाउँदो रहेछ । माधव नेपालले पार्टीको १५ वर्ष नेतृत्व गर्नुभयो । वरिष्ठ नेता बन्नुभयो । अनि मैले केही पाइन भन्नुभयो । मलाई यो चाहियो ऊ चाहियो भन्नुभयो ।’
उनले गण्डकी एमालेको किल्ला र कास्की किल्लाको राजधानी भएको दाबी गरे । उनले भने, ‘एमालेका लागि गण्डकी लालकिल्ला हो । कास्की लालकिल्लाको राजधानी हो । कास्की आउँदा आफ्नै घर आएजस्तो लाग्छ ।’
ओलीले अधिवेशनपछि पार्टीमा एकता बढ्दै गएको भन्दै अप्ठेरो चिर्दै अघि बढ्न नेता कार्यकर्तालाई सुझाए । गत १४ चैतमा सम्पन्न अधिवेशनबाट कास्कीको आगामी २ वर्र्षका नेतृत्व बैनबहादुर अधिकारी क्षत्रीले पाएका छन् । निकटतम् प्रतिस्पर्धी माधव बास्तोलालाई हराएर उनको प्यानल नै निर्वाचित भएको हो । अधिकारी केन्द्रीय सदस्य खगराज अधिकारीनिकट हुन् भने बास्तोला उपमहासचिव पृथ्वीसुब्बा गुरुङनिकट हुन् । उपाध्यक्षमा भेषराज बराल, सचिव दर्शन लामा, उपसचिव लालबहादुर परियार, उपसचिव (महिला) सन्तुदेवी सुवेदी निर्वाचित भएका छन्् ।
Related News
सम्बन्धित समाचार
गण्डकीका सभामुखको कदमबारे मिश्रित प्रतिक्रिया
मुख्यमन्त्री अधिकारीले रोजे पुरानै मन्त्री
सहारा क्लब पोखरालाई वर्ष उत्कृष्ट क्लबको अवार्ड
महेन्द्रपुल युथ क्लब आयोजनामा बास्केटबल प्रतियोगिता हुने
बड्स एकेडेमीमा सदन विभाजन
hero news full width
मुख्य समाचार
ट्राफिक सप्ताहको ब्यानरमा प्रदेशका मन्त्रीको शपथ !
फडिन्द्रले इन्कार गर्दा माओवादीले दिन सकेन मन्त्री
वैशाख २४, २०८१गण्डकीमा एमालेका सीता सुन्दास र बेदबहादुरले लिए मन्त्रीको शपथ
वैशाख २४, २०८१सीतालाई सामाजिक. बेदबहादुरलाई खानेपानी मन्त्रालयको जिम्मा
वैशाख २४, २०८१सीता सुन्दास र बेदबहादुरलाई मन्त्री बनाउँदै खगराज
वैशाख २४, २०८१मन्त्रीमण्डल विस्तार गर्दै मुख्यमन्त्री अधिकारी, आजै साढे ४ मा शपथ
वैशाख २४, २०८१