पोखरा ।  २५६७ औं बुद्ध जयन्ती मनाउन आयोजक समितिले आठ दिने कार्यक्रमहरु सार्वजनिक गरेको छ ।
२५६७ औं बुद्ध जयन्ती समारोह समिति कास्कीले बुधबार पोखरामा पत्रकार सम्मेलन गरी वैशाख २२ गते शान्ति ¥याली र पोखरा सभागृहमा मूल समारोह आयोजना गरिने जानकारी दिएको हो ।

वैशाख पूर्णिमाको उक्त दिन शान्ति पदयात्रा धर्मशीला बृद्ध विहारबाट साडे ११ बजे सुरु भई महेन्द्रपुल नयाँबजार हुँदै सभागृहमा पुगी १ बजे धर्मसभामा परिणत हुने जनाइएको छ । तिलकुमारी हेल्मो र नरेन्द्र लालचनलाई कार्यक्रममा सम्मान गरिने छ । धर्मशीला बुद्धविहारका मुख्य भिक्षु धजवन्तो कार्यक्रमका प्रमुख अतिथि रहने छन् । युवा बौद्ध संघ र धर्मशीला बुद्ध विहारले ¥यालीको संयोजन गर्ने छन् ।

बुद्धजयन्तीका कार्यक्रम वैशाख १५ गतेबाट नै आरम्भ हुने छन् । उक्त दिन साइकल ¥याली आयोजना गरिने छ । सो ¥याली कनिङ घेछेलिङ गुम्बा दीपबाट सुरु भई विश्व शान्ति स्तुत अनदु पुग्ने छ । दोस्रो दिन १६ गते निःशुल्क स्वास्थ्य शिविर, भोजन दान र प्राणदान अर्थात् माछा छेत्तर छाड्ने काम हुने छन् । वैशाख १८ गते गणचन्द्र पुजा, बुद्ध पुजा, रक्तदान र आर्थिक सहयोगका कार्यक्रम हुने छन् । वैशाख १९ गते भिक्षु शुभद्र स्मृति सभा र धर्मदेशना गरिने छ । २० गते सरसफाई र वृक्षरोपणका कार्यक्रम समेटिने छन् । वैशाख २१ गते प्रभातफेरि र २२ गते बुद्ध पुजा तथा दीप प्रज्वलन गरिने छ ।

कम्तिमा एक दिन भए पनि बुद्ध जयन्तीका दिन विभिन्न शक्तिपीठहरुमा वलि रोक्न र माशुका लागि काटमार नगर्न आग्रह गरिएको समितिका अध्यक्ष क्याप्टेन चन्द्रप्रसाद गुरुङले पत्रकार सम्मेलनमा बताए । वैशाख पूर्णिमा नेपाली भुमि लुम्बिनीमा सिद्धार्थ गौतमको जन्म, बुद्धत्व प्राप्त र महापरिनिर्वाण जस्ता तीन महत्वपूर्ण संयोग परेको दिन हो । यस दिनलाई विश्वभरिका शान्ति प्रेमिहरुले विशेष महतव दिएर सिद्धार्थ गौतम बुद्धको गुण स्मरण गर्ने पर्वका रुपमा परापूर्व कालदेखि मनाइँदै आइएको छ ।

पोखरामा २०६० को दशकको प्रारम्भबाट पोखरा क्षेत्रभित्रका सबै जनजाति बौद्ध मार्गीहरुलाई समेटेर सामूहिक रुपमा बुद्ध जयन्ती मनाउन थालिएको हो । सो अवसरमा समाजसेवी विश्वरत्न शाक्यले बुद्ध जयन्ती पोखरामा कसरी मनाउन थालियो भन्ने बारे प्रकाश पारेका थिए । कार्यक्रमको सञ्चालन समितिका सचिव बालकुमारी गुरुङले गरेकी थिइन् ।