पोखरा । नागरिक लगानी कोष आफ्नो स्थापनाकालको ३२ वर्ष पूरा गरी ३३ वर्षमा प्रवेश गरेको छ । वार्षिकोत्सवका अवसरमा कोषको केन्द्रीय कार्यालय, नयाँ बानेश्वर, काठमाडौं लगायत अन्य शाखा कार्यालयहरुमा विविध कार्यक्रम गरिएको छ ।
कोष व्यवस्थापनबाट निर्धारण भएका विभिन्न मापदण्डहरुको आधार तथा कार्यसम्पादनका आधारमा उत्कृष्ट शाखा कार्यालय तथा उत्कृष्ट कर्मचारी समेत घोषणा गरी सम्मानित गरिएको थियो । विभिन्न मापदण्डहरु तथा कार्यसम्पादनका आधारमा यस वर्ष पोखरा शाखालाई उत्कृष्ट भएको छ ।
पोखरा शाखाका कार्यालय प्रमुख नवराज गौतमलाई राजश्व सचिव रामप्रसाद घिमिरेले सम्मान पत्र, दोसल्ला तथा मालासहित सम्मान प्रदान गरे । सम्मान ग्रहण पश्चात् कार्यालय प्रमुख नवराज गौतमले कोष व्यवस्थापनलाई विशेष धन्यवाद प्रदान गर्दै, यस सम्मानबाट आफू अत्यन्त हर्षित भएको तथा अझ जिम्मेवारी थप भएको बताए । आगामी दिनमा पनि आफ्नो कार्यसम्पादन तथा सेवा प्रवाह अझ गुणस्तरीय बनाउने तर्फ ध्यान दिने विश्वास दिलाउँदै पोखरा शाखामा कार्यरत सम्पूर्ण सहकर्मी साथीहरुलाई उनले विशेष बधाई र धन्यवाद प्रदान गरे ।
केन्द्रीय कार्यालयमा आयोजित कार्यक्रमको सभापतित्व कोष सञ्चालक समितिका अध्यक्ष प्राडा सूर्यबहादुर थापाले गरेका थिए । अर्थ मन्त्रालयका राजस्व सचिव डा. रामप्रसाद घिमिरेलगायत अन्य विशिष्ट व्यक्तिहरुले कोषको वार्षिकोत्सव कार्यक्रममा शुभकामना व्यक्त गरे । कोषका कार्यकारी निर्देशक रमण नेपालले उपस्थित सम्पूर्ण महानुभावहरुलाई स्वागत गरेका थिए ।
कोषमा २० वर्ष सेवा अवधि पूरा गरेका कर्मचारीहरुलाई उक्त अवसरमा पदक तथा सम्मान पत्र प्रदान गरिएको थियो ।
विसं २०७१ सालमा कोषको पहिलो शाखाको रुपमा गण्डकी प्रदेशको राजधानी पोखरा, कास्कीमा स्थापना भएको थियो । कोषले आफ्नो सेवालाई विकेन्द्रीकृत गर्ने उदेश्यका हालसम्म ५ वटा प्रदेशमा कार्यालय स्थापना गरिसकेको छ भने आगामी दिनमा बाँकी प्रदेशहरुमा समेत शाखा कार्यालय स्थापना गर्ने लक्ष्य लिएको छ । हाल पोखरा शाखा कार्यालयबाट कोषले प्रदान गर्ने सम्पूर्ण सेवाहरु सेवाग्राहीले प्राप्त गर्न सकिने अवस्था छ ।
Related News
सम्बन्धित समाचार
गण्डकी मेडिकल कलेजमा वित्तीय साक्षरता
कास्कीका सहकारी पीडित एउटै मोर्चामा, बन्यो संयुक्त संघर्ष समिति
न्युरोडमा खुल्यो बेरी लाउन्ज एन्ड बार
गरिमा र टान गण्डकीबीच सम्झौता
न्युरोडमा खुल्यो बेरी लाउन्ज एन्ड बार
hero news full width
मुख्य समाचार
त्रासैत्रासमा तंग्रिदै कागबेनी
मनिपालमा अत्याधुनिक एमआरआई मेसिन
वैशाख १३, २०८११३ वटा मुद्दा चलेका एक युवा पोखराबाट अटोमेटिक पेस्तोलसहित पक्राउ
वैशाख १३, २०८१कतारी अमिर स्वेदश फिर्ता : पोखरा–कतार उडान माग
वैशाख १३, २०८१कास्कीमा एसइई उत्तरपुस्तिका परीक्षण रोकियो
वैशाख १२, २०८१गण्डकीमा डायलाइसिसका लागि अब पालो कुर्न नपर्ने
वैशाख १२, २०८१