पोखरा । लुम्बिनी विकास बैंक लिमिटेडले पोखराको रामबजार शाखामा एटिएम सेवा सुरु गरेको छ । पोखरा महानगरपालिका वडा नम्बर १५ का वडाध्यक्ष तोरणबहादुर बानियाले सोमबार एटिएमको उद्घाटन गरेका छन् ।

कार्यक्रममा बैंकका सञ्चालक रामचन्द्र सिग्देल, पूर्व अध्यक्ष शुशीलराज पराजुली, पूर्व सञ्चालक बिलबहादुर गुरुङ, बैंकका सेयरधनी, स्थानीय व्यवसायी एवं भद्र–भलादमी, निक्षेपकर्ताका उपस्थिति थियो । शाखा प्रबन्धक बालकृष्ण वनले सञ्चालन गरेको कार्यक्रममा मुख्य प्रबन्धक दीपक खनालले बैंकको संक्षिप्त चिनारीसहित स्वागत मन्तव्य राखेका थिए ।

बैंकका प्रमुख कार्यकारी अधिकृत नरेशसिंह बोहराका अनुसार बैंकले हाल ८९ शाखा, १ एक्सटेन्सन काउन्टरमार्फत सेवा प्रदान गर्दै आएको छ । देशका ७ वटै प्रदेशमा शाखा सञ्चालन गरी कारोबार गर्दै आइरहेको लुम्बिनी विकास बैंकको एटिएम संख्या १८ पुगेको छ ।

‘निरन्तर सहयात्रा’ भन्ने नाराका साथ उच्चस्तरीय, आधुनिक एवं नविनतम प्रविधिहरु सहितको सुरक्षित बैंकिङ सेवा प्रदान गर्दै आइरहेको बैंकका सिइओ बोहोराले दाबी गरे । ग्राहकहरुलाई अधिकतम प्रतिफल दिने उद्देश्यले बैंकले मुद्दती खातामा ‘मासिक’ रुपमा ब्याज प्रदान गर्ने र मल्टिपल धमाका खातामा आफ्नो लगानीलाई २ देखि दश गुणासम्म गर्न मिल्ने समेत बिशेष योजनालाई निरन्तरता दिएको छ ।