पोखरा । लेखनाथ साहित्य प्रतिष्ठान पोखराको शनिबार सम्पन्न साधारणसभाले पद्मराज ढकालको अध्यक्षतामा नयाँ कार्यसमिति चयन गरेको छ ।

समितिको उपाध्यक्षमा छवि सुवेदी, सचिवमा कृष्णप्रसाद पौडेल, कोषाध्यक्षमा प्रतिभा शर्मा र सहसचिवमा धर्मराज पौडेल अल्पायु छन् । सदस्य ताराप्रसाद शर्मा, मदन घिमिरे, सीता तिमिल्सिना, बलराम पौडेल, मनोज पौडेल, गीता तिवारी तथा आमन्त्रित सदस्य ऋषिकेश बराल र बलराम तिमिल्सिना चयन भए ।
प्रतिष्ठानका पूर्व अध्यक्ष एवं स्वतन्त्र पत्रकार संघ नेपालका केन्द्रीय अध्यक्ष कृष्णप्रसाद बास्तोलाको संयोजकत्वमा हनिफ मियाँ, रामबहादुर कोइराला र भीम रानाभाट सदस्य रहेको निर्वाचन समितिले निर्वाचन सम्पन्न गरेको हो ।

साधारणसभाको पृथ्वीनारायण क्याम्पस नेपाली विभाग प्रमुख प्राडा कुसुमाकर न्यौपानेले उद्घाटन गरेका थिए । उनले साहित्य संस्कृति क्षेत्रमा पनि निष्ठावान्को एकता आवश्यक रहेको बताए ।

स्वतन्त्र पत्रकार संघ नेपालका केन्द्रीय अध्यक्ष कृष्णप्रसाद बास्तोलाले लेखनाथ साहित्य प्रतिष्ठानले राष्ट्रिय पहिचान बनाउन सफल भएको बताए । प्रतिष्ठान अध्यक्ष पद्मराज ढकालको अध्यक्षतामा भएको सो कार्यक्रममा उपाध्यक्ष छवि सुवेदीले स्वागत र सचिव कृष्णप्रसाद पौडेलले संचालन गरेका थिए ।