पोखरा । पोखराका विभिन्न पर्यटकीय क्षेत्रमा घुमघाममा रहेका भारतीय अभिनेता विवेक ओवराय सहितको परिवारको टोली आव्या क्लब पुगेको छ ।

क्लब कार्यकारी निर्देशक किरण केसी र प्रबन्ध निर्देशक निरोज लामाले संयुक्त रुपमा ओवरायसहितको टोलीलाई सोमबार स्वागत गरे । ओवरायले पनि आतिथ्यताको प्रशंसा गरे ।

आव्याले सञ्चालन गरेको फिटनेस, वेलनेस र रिक्रियसनको अवलोकन गर्दै ओवरायले पोखरामा यस्तो फिटनेस र स्वास्थ्यसँग सम्बन्धित क्लबले पर्यटकीय क्षेत्रमा बिशेष योगदान पु¥याउन सक्ने बताए । ‘पोखरा आफैमा पर्यटकीय हब हो, ओवरायले भने, ‘फिटनेस र स्वास्थ्यलाई मध्यनजर गर्दै संचालनमा ल्याइएको आव्या क्लबले सबैको मन जित्नेछ ।’ उनले सो क्लब अन्तर्राष्ट्रियस्तर सरहकै रहेको र यसले दिएको उत्कृष्ट सेवा सुविधाबाट आफू निकै प्रभावित भएको बताए ।

२०७९ बैशाख १ देखि सञ्चालित क्लबमा बरुण खड्का, रोशन केसी, किरण केसी, प्रकाश केसी, विश्व गौतम, अशोकबहादुर मल्ल र निरोज लामाको संयुक्त लगानी छ ।
यसैबीच, अभिनेता ओवरायले सोमबारनै प्याराग्लाडिङको मज्जा लिएका छन् । उनी त्यसअघि पोखराको मझेरीपाटनस्थित हिमालयन गल्फ पुगी गल्फसमेत खेले ।